Wikipedia:Sura amilita/36

Banua Niha Keriso no töi ni'oguna'ö ba wangali fehede gereja ba li Niha bakha ba Gereja Protestan. Andrö wa so Banua Niha Keriso Protestan ma asese te'adogo'ö BNKP eluahania sambua denominasi gereja Protestan si so dadaomania ba Danö Niha.

Sindruhunia fehede gereja ma ba li Yunani ἐκκλησία (famoligö ya'ia ekklesia) abölö faudu moroi ba banua, börö me oya te'oguna'ö ia bakha ba zura Gamabu'ulali Sibohou (114 kali). Duma-dumania ba HalZin 11:26 tesura, Ba tobali döfi wa'ara falukha-lukha ira ba mbanua andrö..., sindruhunia tenga "ba mbanua" tesura bakha ba da'ö bahiza "ba gereja" ma ἐκκλησία.

Ba li Indonesia te'gouna'ö göi wehede umat ma jemaat nihalö moroi ba li Arab si fagölö eluaha ba wehede ἐκκλησία ba li Yunani. Bahiza abölö fagöna na ta'oguna'ö wehede nitemada moroi ba Zura Ni'amoni'ö samösa, ya'ia da'ö ba li Yunani ba tenga ba li Arab. (Baso dohu-tohunia)