Gereja

Moroi ba Wikipedia
Ae ba navigasi Ae ba wangalui
Gereja Paroki St. Fransiskus dari Asisi, Ombölata Ulu, Gunungsitoli. Da'a lafotöi gereja tenga osali, börö lö aetu so khönia bakha Sakramen Fondrege Ni'amoni'ö (24/7). Tenga nahia gangowuloa simane osali ia, börö da'ö tebai tefalua bakha halöŵö bö'ö si mane rafe btn., ha halöŵö wangandrö.

Gereja tola mo'eluaha ia omo Lowalangi ma zui angowuloa niha samati. Ba Danö Niha asese la'ali ia faoma osali, sambua nahia gangowuloa zato. Börö da'ö ba Gereja Protestan ba Danö Niha no fagölö geluahara gosali ba gereja. Ba hiza bakha Gereja Katolik ba Danö Niha to'ölö la'oguna'ö gosali ba nomo Lowalangi si so ba mbanu-banua mi sa si lö bakha nifotöi Sakramen Fondrege Ni'amoni'ö (Li Indonesia, Sakramen Mahakudus). Sindruhu göi wa nahia gangowuloa zato ia. Bakha ba gosali lalau mangandrö niha, lahalö rafe, folelo ma owasa ba tanö bö'önia. Ba hiza bakha ba Gereja Katolik lö latötöi osali nomo Lowalangi si so bakha Sakramen Fondrege Ni'amoni'ö (24 ja ma'ökhö, 7 ngaluo samigu), si mane ba gereja Paroki ma gereja Katedral. Gereja simane andre tenga nahia gangowuloa si fagölö ia, börö me no muhonogöi wa ha tola molau halöŵö wangandrö bakha, ba tebai lahalö rafe, folelo ma zui owasa tanö bö'ö bakha khönia.

I'anema'ö oroma khöda na so Sakramen Fondrege Ni'amoni'ö bakha ba zi sambua gereja Katolik, ya'ia na so lili ma fandru si lö mamalö-malö auri, si mane oroma ba foto andre

Baero da'ö so göi gonönöta zinangea nitöngöni ya'ia da'ö: Na tebörögö wanura gereja andre faoma hurufo side-ide, eluahania omo Lowalangi, ni'otomosi niha moroi ba geu ma moroi ba gara, semen awö zi'öli ba tanöbö'önia. Ba hiza na tebörögö wanura ya'ia faoma hurufo sebua simane Gereja, eluahania ba tenga omo ni'otomosi niha moroi ba geu ma ba gara, ba hiza angowuloa niha samati, ya'ia da'ö fefu niha samati si faböbö ba zi sambua nahia, simane Gereja Katolik ba Paroki Tögizita ma Paroki Lahewa. Bakha ba Gereja Protestan la'oguna'ö tenga Gereja ba hiza Banua Niha Keriso, simane Banua Niha Keriso Protestan (BNKP).

Oroita Gereja[bulö'ö | bulö’ö kode]

Ngawalö Gereja[bulö'ö | bulö’ö kode]

Gereja-Gereja ba Indonesia[bulö'ö | bulö’ö kode]

Gereja-Gereja ba Danö Niha[bulö'ö | bulö’ö kode]