Banua niha Keriso

Moroi ba Wikipedia
Ae ba navigasi Ae ba wangalui

Banua Niha Keriso no töi ni'oguna'ö ba wangali fehede gereja ba li Niha bakha ba Gereja Protestan. Andrö wa so [[Banua Niha Keriso Protestan]] ma asese te'adogo'ö BNKP eluahania sambua denominasi gereja Protestan si so dadaomania ba Danö Niha.

Sindruhunia fehede gereja ma ba li Yunani ἐκκλησία (famoligö ya'ia ekklesia) abölö faudu börö me oya te'oguna'ö ia bakha ba zura Gamabu'ulali Sibohou (114 kali). Duma-dumania ba HalZin 11:26 tesura, Ba tobali döfi wa'ara falukha-lukha ira ba mbanua andrö..., sindruhunia tenga ba mbanua tesura ba da'ö bahiza ba gereja ma ἐκκλησία.

Ba li Indonesia te'gouna'ö göi wehede umat ma jemaat nihalö moroi ba li Arab si fagölö eluaha ba wehede ἐκκλησία ba li Yunani. Bahiza asese alua wa umat ma jemaat la'oguna'ö ba wanötöi niha Keriso ero zamösana, eluahania ndroto-ndroto gereja sauri, ba la'oguna'ö gereja ba wanötöi institusi ma zui ba wanötöi omo Lowalangi nifazökhi moroi ba gara ba semen.

Bakha ba Gereja Katolik, na lasura ia faoma hurufo side-ide simane gereja, eluahania omo Lowalangi. Ba na lasura ia faoma hurufo sebua simane Gereja, eluahania institusi ma angowuloa niha samati simane Gereja Keuskupan Sibolga, Gereja Katolik Indonesia. Ba gotalua ndra niha Katolik ba Danö Niha no to'ölö la'oguna'ö wehede gereja manö, lö la'oguna'ö wehede banua niha Keriso.

Baero da'ö so nasa geluaha bö'ö wehede banua ba Zura Ni'amoni'ö ni'ali Sundermann, ya'ia da'ö simane banua Lowalangi (amatöröŵa Lowalangi na ba liturgi Katolik ba Danö Niha). Bahiza lö irai so wamatörö samösa razo ba Danö Niha, andrö wa ambö ta'ila nifotöi kerajaan ba li Indonesia, ya'ia da'ö fefu mbanua si so barö wamatörö samösa razo. Börö da'ö i'oguna'ö manö Sundermann wehede banua ba wo'ali fehede kerajaan ba li Niha (banua Lowalangi).

Bahiza ambö fagöna wo'ali simane. Duma-dumania na tamane banua Roma, ba si so fönada ba no sambua banua (kota Roma) ba tenga kerajaan Roma, samatörö fefu danö i'otarai Eropa irugi Palestina ba ginötö Yesu. Ba zimane abölö faudu te'oguna'ö wehede amatöröŵa tenga banua.


Faigi[bulö'ö | bulö’ö kode]

Umbu[bulö'ö | bulö’ö kode]



Sura andre awena börö zura nasa. Moguna munönö ba mubönökhi nösinia.
Wikipedia no halöŵö nifalului zato.
Tolo Wikipedia ba wanohugö wanura ya'ia, na so khöu onönöta nösi. Saohagölö.