Heinrich Sundermann

Uli Zura Ni'amoni'ö nifa'anö Heinrich Sundermann

Heinrich Sundermann (* 29 Oktober 1849 ba Ladbergen; † April 1919 ba Göttingen) no samösa falito Protestan si möi mamazaewe Taroma Li Lowalangi ba Danö Niha, so'ali Zura Ni'amoni'ö ba Li Niha ba sanura goi-goi Li Niha (tata bahasa Nias) awö kamus Nias-Jerman.

Fa'aurinia

Tumbu Heinrich Sundermann ba Ladbergen-Overbeck, Jerman. Furinia tobali ia falito Rheinische Missionsgesellschaft sohalöŵö ba Danö Niha moroi ndröfi 1875 irugi 1910. Baero halöŵö fanuriagö Taroma Li Lowalangi, no göi ihalö halöŵö sebua ba wo'ali Zura Ni'amoni'ö ba Li Niha awö ba wama'anö goi-goi Li Niha. Me ndröfi 1892 i'awalisi wo'ali Zura Gamabu'ula Li Si Bohou ba me 1915 i'awalisi göi Zura Gamabu'ula Li Si Föföna ba teraka ia fefu tobali sambua buku. Me 28. Agustus 1911 ibe'e khönia ratu Belanda Wilhelmina töi sebua Orde van Oranje-Nassau. Me April 1919 mate ia ba Göttingen.

Uli kamus Nias-Jerman nifa'anö Heinrich Sundermann

Sinurania

• (Li Jerman) H. Sundermann, Niassische Sprachlehre, 'S-Gravenhage, 1913.
• (Li Jerman) H. Sundermann, Niassisch-Deutsches Wörterbuch, Moers, 1905.
• (Li Jerman) H. Sundermann, Soera Gambaoe'oela Li Si Bohou, Amsterdam, 1892.
• (Li Jerman) H. Sundermann, Soera Gambaoe'oela Li Si Föföna, Amsterdam, 1911.

Umbu

• (Li Jerman) "Unser Kreis 1990". Jahrbuch für den Kreis Steinfurt, ISBN 3-926619-11-2
• (Li Jerman) Heinrich Sundermann, Die Insel Nias und die Mission daselbst, Rheinische Missionsschriften Nr. 125, Verlag des Missionshauses, Barmen 1905.