Teologi

Teologi no töi sambua mbolo wamahaö ba universitas, perguruan tinggi ma ba seminari, sangosili zanandrösa ba wamati niha si faduhu tödö khö lowalangi.^[1] Lafatunö ba la'osisi'ö bakha ba teologi mbanua si yaŵa (li Indonesia dunia ilahi ma dunia supernatural) awö lala hewisa wangi'ila lowalangi nifotöi epistemologi^[2] ba la'alui wanemali ba ngawalö wanofu sanandrösa ba wama'ele'ö. Fakhai wama'ele'ö andrö ba wanema wa Lowalangi awö ndra lowalangi (li Indonesia dewa-dewi), wa ya'ira andre so yefo danö (li Indonesia transenden) ma zui yaŵa danö (li Indonesia supernatural) ba wa la'ombakha'ö ira andre ba niha ba wa mohalöŵö ira bakha ba gulidanö andre.

Oya lala wangosili ni'oguna'ö ndra ere teologi ba wamalua halöŵöra. So zangoguna'ö hewisa worasoida lala wa'alowalangi (li Indonesia spiritualitas), so zanörö lala filosofi, so göi zangoguna'ö etnografi^[3] ma sejarah ba tanöbö'önia. La'oguna'ö fefu da'ö tobali fanolo ba wangi'ila, wamotokhi, wanandraigö, wobelegö ma zui wondrou'ö wa'alowalangi. Simane nilau göi bakha ba mbolo filosofi ba ba mbolo huku, lahalö wanofu si no so fanemalinia ba latohugö wondrou'ö ya'ia ma zui lafatöfa ia ba hadia ia bö'ö zi falukha niha.

Tola alua wa famahaö teologi tobali fanolo khö gere teologi samösa ba wangabakha'ö fangi'ilania ba tradisi wa'alowalangi ni'o'önia samösa^[4] ma zui tradisi wa'alowalangi niha bö'ö,^[5] ma zui itolo ia ba wangosisi'ö wa'alowalangi si lö tefaböbö ba zi sambua tradisi. Tola te'oguna'ö teologi ba wame'e ena'ö mamati niha si lö mamati (li Indonesia proselitsme),^[6] ba wamohouni tradisi si no so,^[7] ma zui ba wamaduhu'ö sambua tradisi fa'alowalangi (lafotöi ia bakha ba teologi apologetika); ma zui la'oguna'ö ia ba wamaedogö,^[8] ba wanenaŵa (duma-dumania wamareso nösi Zura Ni'amoni'ö) ma zui ba wolaŵa sambua tradisi. Tola göi moguna teologi khö gere teologi ba wamahuhuosi hadia zalua bakha ba tradisi wa'alowalangi si so ya'ia ma ba wame'e fanemali ba wanofu si tumbu bakha ba gotalua niha samati,^[9] ma zui ba wangalui oi ngawalö lala wamotokhi ba dödö hadia zalua ba gulidanö.^[10]

Umbu

↑ "theology". Wordnetweb.princeton.edu. Arsip moroi versi asli irugi 4 August 2012. Mufaigi me 2012-11-11.
↑ Lafotöi epistemologi sambua mbolo wamahaö sangosisi'ö hewisa ta'ila fefu ngawalö ni'ilada ba wa sindruhu ia ba tenga ha ni'angeragöda samösa. Duma-dumania hewisa ta'ila wa sindruhu so mbekhu, wa sindruhu so Lowalangi, wa sindruhu so zorugo, wa sindruhu no i'orifi ita So'aya. Hewisa na fefu da'a ha bua wangera-ngerada samösa, nifakhoi-khoi dödöda samösa?
↑ Latötöi etnografi sambua mbolo wamahaö ba universitas si fakhai ba wangosili hada ba fefu zi fakhai ba wariawösa niha nifotöi budaya.
↑ Faigi duma-dumania, Migliore, Daniel L. 2004. Faith Seeking Understanding: An Introduction to Christian Theology (2nd ed.) Grand Rapids: Eerdmans.
↑ Faigi duma-dumania, Kogan, Michael S. 1995."Toward a Jewish Theology of Christianity." Journal of Ecumenical Studies 32(1):89–106. Archived from the online on 15 June 2006.
↑ Faigi duma-dumania, Dormor, Duncan, et al., eds. 2003. Anglicanism, the Answer to Modernity. London: Continuum.
↑ Faigi duma-dumania, Spong, John Shelby. 2001. Why Christianity Must Change or Die. New York: Harper Collins.
↑ Faigi duma-dumania, Burrell, David. 1994. Freedom and Creation in Three Traditions. Notre Dame: University of Notre Dame Press.
↑ Faigi duma-dumania, Gorringe, Timothy. 2004. Crime, (Changing Society and the Churches Series). London: Society for Promoting Christian Knowledge.
↑ Faigi duma-dumania, wanemali Anne Hunt Overzee khö Paul Ricœur (1913–2005) sanandrösa ba halöŵö samösa gere teologi: "Paul Ricœur speaks of the theologian as a hermeneut, whose task is to interpret the multivalent, rich metaphors arising from the symbolic bases of tradition so that the symbols may 'speak' once again to our existential situation." Overzee, Anne Hunt. 1992. The Body Divine: The Symbol of the Body in the Works of Teilhard de Chardin and Ramanuja Archived 26 Maret 2023 at the Wayback Machine, (Cambridge Studies in Religious Traditions 2). Cambridge: Cambridge University Press. ISBN: 978-0521385169. Retrieved 5 April 2010. p. 4.

[1] "theology". Wordnetweb.princeton.edu. Arsip moroi versi asli irugi 4 August 2012. Mufaigi me 2012-11-11.

[2] Lafotöi epistemologi sambua mbolo wamahaö sangosisi'ö hewisa ta'ila fefu ngawalö ni'ilada ba wa sindruhu ia ba tenga ha ni'angeragöda samösa. Duma-dumania hewisa ta'ila wa sindruhu so mbekhu, wa sindruhu so Lowalangi, wa sindruhu so zorugo, wa sindruhu no i'orifi ita So'aya. Hewisa na fefu da'a ha bua wangera-ngerada samösa, nifakhoi-khoi dödöda samösa?

[3] Latötöi etnografi sambua mbolo wamahaö ba universitas si fakhai ba wangosili hada ba fefu zi fakhai ba wariawösa niha nifotöi budaya.

[4] Faigi duma-dumania, Migliore, Daniel L. 2004. Faith Seeking Understanding: An Introduction to Christian Theology (2nd ed.) Grand Rapids: Eerdmans.

[5] Faigi duma-dumania, Kogan, Michael S. 1995."Toward a Jewish Theology of Christianity." Journal of Ecumenical Studies 32(1):89–106. Archived from the online on 15 June 2006.

[6] Faigi duma-dumania, Dormor, Duncan, et al., eds. 2003. Anglicanism, the Answer to Modernity. London: Continuum.

[7] Faigi duma-dumania, Spong, John Shelby. 2001. Why Christianity Must Change or Die. New York: Harper Collins.

[8] Faigi duma-dumania, Burrell, David. 1994. Freedom and Creation in Three Traditions. Notre Dame: University of Notre Dame Press.

[9] Faigi duma-dumania, Gorringe, Timothy. 2004. Crime, (Changing Society and the Churches Series). London: Society for Promoting Christian Knowledge.

[10] Faigi duma-dumania, wanemali Anne Hunt Overzee khö Paul Ricœur (1913–2005) sanandrösa ba halöŵö samösa gere teologi: "Paul Ricœur speaks of the theologian as a hermeneut, whose task is to interpret the multivalent, rich metaphors arising from the symbolic bases of tradition so that the symbols may 'speak' once again to our existential situation." Overzee, Anne Hunt. 1992. The Body Divine: The Symbol of the Body in the Works of Teilhard de Chardin and Ramanuja Archived 26 Maret 2023 at the Wayback Machine, (Cambridge Studies in Religious Traditions 2). Cambridge: Cambridge University Press. ISBN: 978-0521385169. Retrieved 5 April 2010. p. 4.

[1]

[2]

[3]

[4]

[5]

[6]

[7]

[8]

[9]

[10]