Töi Wanasa Ni'amoni'ö
Töi Wanasa Ni'amoni'ö (li Indonesia nama baptis) no töi si bohou nibe'e khö samösa niha sanema fanasa ni'amoni'ö.[1] Na itema Wanasa Ni'amoni'ö samösa niha, tobali ia ono Lowalangi, hulö na tumbu ia mangawuli tobali ndroto-ndroto mboto Keriso. Andrö göi wa Sakramen Fanasa Ni'amoni'ö no dane-dane wa'auri fa'aniha-keriso ba si föföna sibai mutema fatua lö latema sakramen tanö bö'ö.[2]
Tradisi wame'e töi si bohou no tebörögö bakha ba Zura Ni'amoni'ö samösa ba tetohugö irugi ma'ökhö bakha ba Gereja Katolik. Alua wamohouni ma fame'e töi si bohou andre ero so zalua si sindruhu-ndruhu mamulö'ö fa'auri niha.[3] Si föföna sibai manöndra töi si bohou andre ya'ia Aberahamo, me ibulö'ö döinia Aberamo tobali Aberahamo Lowalangi me imane, "Ba böi sa'ae Aberamo döimö, Aberahamo döiu sa'ae. Furugö ŵalo soi sa ube'e ndra'ugö."[4] Simanö göi dania fo'omonia Sara'i tobali Sara. Alua zimanö khö Yakobo göi. Aefa fasöndra ira ibe'e khönia Lowalangi döi si bohou Israel, eluahania "niha si fasöndra khö Lowalangi ba ba khö niha".[5] Simanö göi Saulo si tobali Faulo[6] ba Kefa tobali Fetero[7]
Tetohugö tradisi andre bakha ba Gereja Katolik. Ero niha sanema Fanasa Ni'amoni'ö lasöndra döi si bohou nifotöi töi wanasa ni'amoni'ö. To'ölö labe'e khöra döi ndra niha ni'amoni'ö simane Petrus, Yohanes, Fransiskus, Maria, Agata, btn. Aefa da'ö lasöndra zui döi si bohou andre niha Katolik na tobali ira si fao awö bakha ba fa'awösa wa'alowalangi nifotöi Ordo ma Kongregasi, duma-dumania na tobali samösa Suster ndra'alawe, ma zui tobali samösa Frater ma Bruder ndramatua. Afuriatania lasöndra döi si bohou andre niha si tobali Paus, duma-dumania me tobali paus Kardinal Jorge Bergoglio ihalö döi si bohou Fransiskus, irege lakaoni khönia Paus Fransiskus ba tenga Paus Jorge.[8]
Irugi ma'ökhö ato niha ba Eropa ba ba Amerika sangowasaini luo wanörötödö khö niha ni'amoni'ö, töinia no tebe'e khöra tobali töi wanasa ni'amoni'ö.[9] La'owasaini ia hulö wangowasaini luo wa'atumbu (li Indonesia ulang tahun). Luo andre lafotöi ia ba li Jerman Namenstag ba li Inggris name day, eluahania luo döi. So ösa zangowasaini name day andre töra moroi ba wangowasaini luo wa'atumbu.[9] So na i niha si lö mangowasaini luo wa'atumbu, ha Namenstag.
Umbu[bulö'ö | bulö’ö kode]
- ↑ Lafotöi fanasa ni'amoni'ö ba Gereja Katolik hadia nifotöi fombayagö idanö ba Gereja Protestan. Molo'ö teologi Katolik fanasa ni'amoni'ö no sambua sakramen fanasai horö simane nisura ba injil samösa (faigi Mar 1:4 ba Luk 3:3).
- ↑ "Baptism is the first sacrament that a person receives in the Roman Catholic Church. It opens the door to all the other sacraments" bakha ba The Christian Church: Sacraments, ordinances and role, bbc.co.uk, mufaigi me 23/09/2023 (Li Inggris)
- ↑ Changing Names, mufaigi me 23/09/2023 (Li Inggris)
- ↑ MozI 17:5
- ↑ Faigi MozI 32:27: "Izeraeli sa'ae döiu, me no fasöndra'ö khö Lowalangi ba ba niha, ba me no ya'ugö zabölö."
- ↑ Faigi HalZin 13:9
- ↑ Faigi Yoh 1:43.
- ↑ "Cardinal Jorge Mario Bergoglio of Argentina Named as New Pope of the Roman Catholic Church". CNBC. 13 March 2013. Mufaigi me 23/09/2023.
- ↑ 9,0 9,1 "When Is Your Name Day (Namenstag)?" (ba li Inggris). Humboldt American Press. 8 March 2021. Mufaigi me 23/09/2023.
Sweden, a mostly Protestant Lutheran country, is still into celebrating name days (namnsdagar). And various countries have their own name day calendars. In Latvia, for instance, where your name day is still more important than your birthday, even normal daily calendars indicate the Latvian name days. (Sweden is the same.)