Kongregasi
Kongregasi (li Indonesia tarekat religius) no töi wa'awösa fa'alowalangi si so bakha ba agama Niha Keriso. Tradisi wa'awösa simane andre to'ölö lakaoni ia me föna Ordo, bahiza fa'awösa nifasindro safuria lafotöi ia kongregasi.
So tradisi simane andre tenga ha bakha ba agama ndra Niha Keriso, bahiza so göi ba agama bö'ö simane Hindu, Buddha ba Islam
Bakha ba Gereja Katolik awena tola lafotöi sambua wa'awösa "kongregasi" na no ibe'e wanehegö silö'ö-lö'önia Uskup.
Ba mböröta, ha tola moroi khö Paus latema wanehegö, na edöna lafasindro sambua wa'awösa fa'alowalangi. Furi hö so göi wa'awösa fa'alowalangi simane andre, bahiza ha moguna lasöndra wanehegö moroi khö uskup ba keuskupan, heza toröi wa'awösa andrö. To'ölö lafotöi wa'awösa simane kongregasi.
Iada'a no oi fagölö ira ordo ba kongregasi sanöndra fanehegö moroi khö Paus, bahiza lafotöi sa'ae kongregasi, ba tenga ordo, fefu wa'awösa sibohou mufasindro.
Na so wa'awösa si ha tetehegö bakha ba zi sambua keuskupan lafotöi ia ba li Indonesia tarekat diosesan ma institut sekular.
Ba Danö Niha
[bulö'ö | bulö’ö kode]Baero Ordo so mato ha'uga kongregasi ba Danö Niha, ya'ia da'ö
- Kongregasi ndra Suster SCMM si so ba Gunungsitoli, Telukdalam, Amandraya, Lahewa, Tuhemberua
- Kongregasi ndra Frater CMM si so ba Jln. Karet ba Gunungsitoli
- Kongregasi ndra Suster OSF si so ba Idanögawo, Gidö ba ba Gunungsitoli
- Kongregasi ndra Suster KSFL si so ba Fodo, Gunungsitoli
- Kongregasi ndra Suster CB si so ba Mandrehe
Ya'ira andre so zohalöŵö ba klinik simane Klinik Tabita ba Gunungsitoli, ma zui ba asrama ndraono si lö ama ba ina simane Kinderdorf si so ba Gidö, bahiza abölö oya mohalöŵö ira ba zekola Katolik ba zi sagörö Tanö Niha.