Suster OSF

Suster OSF ma töinia safönu "Kongregasi Suster Fransiskanes Sibolga OSF" no sambua wa'awösa fa'alowalangi si so bakha ba Gereja Katolik, ya'ia da'ö ira'alawe sangoniagö fa'aurira khö Keriso faoma hölu si lö mamalö (li Indonesia kaul kekal), irege lö mongambatö ira.

So ndra suster OSF andre ba mato ha'uga nahia ba Indonesia (Nias, Sumatera ba ba Jawa). Ba Danö Niha so ira ba Idanö Gawo, ba Gidö, ba Ombölata'ulu, Gunungsitoli ba ba Pulau Tello. Tuho halöŵöra ya'ia ba wanga'asogö klinik, sekola (töra-töra TK), asrama ba famaeri ndraono si lö ama si lö ina awö ndraono si lumana.

I'otarai Juni 2023 dadaoma wamatörö khönia molo'ö huku Gereja ni'etu'ö Paus tetou'ö ba danga Uskup Sibolga si so ba Ziboga.^[1]

Mufasindro wa'awösa ndra suster andre ba danö Jerman me 1848 ba dadaomania so ba danö Reute am Bad Waldsee si so ba Baden-Württemberg, Jerman. Moroi ba da'ö muzawili ira ba danö Jerman awö Brasil ba i'otarai 1964 ba danö Indonesia.

Tola ta'ila hadia tefaböbö samösa suster ba wa'awösa andre na labe'e furi döira OSF.

Basoŵa

Franziskanerinnen. Kloster Reute-Bad Waldsee. (= Veröffentlichungen des Stadtarchivs Bad Waldsee; Nr. 9) Eppe, Bergatreute 1994, ISBN 3-89089-024-5. (Li Jerman)

Khai-khai baero

OSF ba Sibolga/Nias: https://www.suster-osf.sibolga.org Archived 2023-09-27 at the Wayback Machine (Li Indonesia)
OSF ba Jerman: https://www.kloster-reute.de (Li Jerman)

Umbu

↑ Indonesische Schwestern werden eigenständig, drs.de, mufaigi me 27/09/2023. (Li Jerman).

[1] Indonesische Schwestern werden eigenständig, drs.de, mufaigi me 27/09/2023. (Li Jerman).

[1]