Frater CMM

Frater CMM ma Kongregasi CMM (itaria göi lakaoni ia ba li Indonesia Frater-Frater dari Tilburg) no sambua wa'awösa ba wa'alowalangi (li Indonesia religius) bakha ba Gereja Katolik, ya'ia da'ö iramatua sangoniagö fa'aurira khö Keriso faoma hölu si lö mamalö (li Indonesia kaul kekal), irege lö mongambatö ira.

Ba Danö Niha so ndra frater SCMM andre ba Jln. Karet ba Gunungsitoli. Tuho halöŵöra ya'ia mohalöŵö tobali guru ba zekola (SD, SMP, SMA). Ya'ira zamasindro Asrama Don Bosco. Karet, SMP Bunga Mawar ba SMA St. Xaverius ba Gunungsitoli.

Ifasindro kongregasi CMM andre me 1844 Uskup Joannes Zwijsen ba Tilburg, Belanda.^[1]^[2] I'ila wa arakhagö fefu niha samati si so ba paroki-nia^[3] no niha si lumana. Börö da'ö si tobali nönö-nönö khö ndra Suster SCMM nifasindronia me 1832 ifasindro wa'awösa wa'alowalangi ndramatua. Awö ndra Suster SCMM mohalöŵö ndra frater andre tobali sondrönia'ö ba gödo zofökhö (li Indonesia rumahsakit), gödo ndraono si lö ama ba ina, gödo ndraono si rake boto (li Indonesia cacat) ba gödo niha sagatua. ^[4]

Iada'a no so ndra frater CMM andre ba zi sagörö ulidanö: Belanda, Belgia, Brasil, Indonesia, Kenya, Tanzania, Namibia, Timor Leste ba ba Zambia. Ato ira zohalöŵö ba zekola, bahiza so göi zohalöŵö tobali samaeri zofökhö (li Indonesia perawat) ma same'e ngawalö wamahaö sanandrösa ba wohalöŵö ba danö (li Indonesia pertanian) ma zui same'e famahaö fa'alowalangi (li Indonesia pembinaan pastoral).^[5]

Tola ta'ila hadia samösa niha tefaböbö ba wa'awösa Frater CMM na labe'e furi döira CMM, simane töi Fr. Daniel Telaumbanua, CMM.

Khai-khai baero

Frater CMM: https://www.cmmbrothers.org/?lang=id
Nahia so ndra Frater CMM ba Indonesia: https://www.cmmbrothers.org/fraters-wereldwijd/indonesie/?lang=id

Umbu

↑ Joos van Vugt (2009), Dengan Kepedulian dan Kesederhanaan, Penerbit Kanisius, hlm. 367, ISBN 9789792110814, arsip moroi versi asli irugi 2016-06-01, mufaigi me 2016-05-07
↑ Sejarah Para Frater 1, CMMBrothers.org, arsip moroi versi asli irugi 2016-06-03, mufaigi me 2016-05-07
↑ Lafotöi paroki sambua administrasi mato ha'uga gereja ba mbanu-banua misa (latötöi ia stasi ba Danö Niha) bakha ba Gereja Katolik. Lafotöi stasi sambua gereja Katolik si lö toröi khönia samösa ere (latötöi pastor). Ha ba paroki toröi ndra pastor.
↑ Uskup Zwijsen (1794-1877) dan tahun-tahun awal, mufaigi me 24/09/2023. (Li Indonesia)
↑ Apostolat - Apa yang kita lakukan

[1] Joos van Vugt (2009), Dengan Kepedulian dan Kesederhanaan, Penerbit Kanisius, hlm. 367, ISBN 9789792110814, arsip moroi versi asli irugi 2016-06-01, mufaigi me 2016-05-07

[2] Sejarah Para Frater 1, CMMBrothers.org, arsip moroi versi asli irugi 2016-06-03, mufaigi me 2016-05-07

[3] Lafotöi paroki sambua administrasi mato ha'uga gereja ba mbanu-banua misa (latötöi ia stasi ba Danö Niha) bakha ba Gereja Katolik. Lafotöi stasi sambua gereja Katolik si lö toröi khönia samösa ere (latötöi pastor). Ha ba paroki toröi ndra pastor.

[4] Uskup Zwijsen (1794-1877) dan tahun-tahun awal, mufaigi me 24/09/2023. (Li Indonesia)

[5] Apostolat - Apa yang kita lakukan

[1]

[2]

[3]

[4]

[5]