Havino S Duha
| Havino S. Duha | |
|---|---|
 | |
| Tumbu | Yo'akhim Sitaha Duha June 4, 1971 Hiliganöwö, Telukdalam, Nias Selatan, Indonesia |
| Soi | Indonesia |
| Halöŵö |
|
| Fo'omo |
Sri Penni Nastiti
(date missing) |
| Iraono | 4 |
| Satua |
|
| Karier musik | |
| Genre | |
| Instrumen |
|
| Tahun aktif | 1988–iada'a |
| Label | Mardiana (Gunungsitoli), Stephen Record (Medan) |
| Artis sifakhai |
|
Havino S. Duha (★ 1971 ba Hiliganöwö) no samösa zanura sinunö pop moroi ba Danö Niha. Ibörötaigö ifazökhi zinunö ba li Niha me no i'awalisi SMA ba ndröfia si-90.[1] I'otarai da'ö no oya ifazökhi zinunö pop ba li Niha irugi ma'ökhö.[2] Amuata zinunö nisurania oroma ia ba wa'asökhi döi zinunö, börö me i'oguna'ö gambara awö li si fakhili-khili sami ba wamondrongo, hulö zimane amaedola ma hendri-hendri.
No oya ifazökhi album zinunö (15 ngawua) ba zilalö ba ginötö me lafondrondrongo nasa zinunö faoma tape recorder (mangoguna'ö kaset ma zui CD/VCD) niha. Iada'a ifairö oi zinunö nifazökhinia yaŵa ba gu'ö ba YouTube me da'ö zalio lakhamö Ndraono Niha ba wangalui sinunö ma'ökhö.
Asese ifazaewe zinunö nifazökhinia falulu halöŵö faoma niha bö'ö (nifotöi kolaborasi ba li Indonesia), töra-töra khö musisi hudetö simane Man Harefa, me abölö mowua halöŵö falulusa khönia moroi ba niha bö'ö.
Töi Havino[bulö'ö | bulö’ö kode]
Havino no tenga töi sindruhu khönia (Töinia sindruhu Yo'akhim Sitaha). Mufazökhi döi Havino andre moroi ba wehede ha + fino. Molo'ö Havino, irasoi wa mo'amböta sibai ia, hulö nafo si lö afönu, me ha fino zi so. Amuata simane oroma göi ba ngawalö zinunö si no ifazökhi. Oya itutunö zanandrösa lala wa'auri ba lala wekoli safökhö, fa'auri si lö afönu.
Album zinunö[bulö'ö | bulö’ö kode]
- Faniasa Furi Zatua
- Tembang Manis Nias Selatan
- Album Emas Havino
- Tenga Dali Ita
- Pop Hits Nias 90
- Fahuhuo Lö Moli
- 60 Menit Non-Stop Nias
- Gowirio
- Buala Fa'omasi
- Kuri Sörömi
- Bulugeu Satoru Ba Batam
Faigi göi[bulö'ö | bulö’ö kode]
- Sinunö Pop ba Turia Somusodödö
- Sinunö Nias ba Inkulturasi Gereja
- Mardiana ba Fa'amuzaewe Zinunö Pop ba Danö Niha
- Meföna Me Ide-idedo
- Bate'e Brothers
- Potret Musisi Nias: Yas Harefa
- Potret Musisi Nias: Man Harefa
- Potret Musisi Nias: Arisman Zagötö
Khai-khai baero[bulö'ö | bulö’ö kode]
- Havino S. Duha (YouTube)
Umbu[bulö'ö | bulö’ö kode]
- ↑ No mufalua wahuhuosa (li Indonesia: wawancara) khö Havino S. Duha me 18 Mei 2024, bahiza lö böla li, ha oroma gambara/video. Börö da'ö nisura ba da'a tola manö wa mo'amböta ia.
- ↑ Faigi khai-khai baero ba nga'örö andre
Wikipedia no halöŵö nifalului zato.
Tolo Wikipedia ba wanohugö wanura ya'ia, na so khöu onönöta nösi. Saohagölö.