Manötöna Harefa
.jpg)
Töi Manötöna Harefa—sasese la'adogo'ö Man Harefa—tebai lasafi'ö moroi ba waöwaö hikaya musik (lisonote) Danö Niha. Tumbu ia me 15 Mei 1961 ba Zabango, Gunungsitoli, No oya nifaluania ba wamazaŵa bosi ma tekhe lisonote Danö Niha. [1] Na banuania, ya'ia Desa Sifalaete Tabaloho, Kota Gunungsitoli. [2]
Sinunö omböitania no oya tehöngö ba sauli la'anunöisi niha ofeta ma'ökhö. "Banua Ni'omasi'ögu" [3] dumadumania. Sinunö andre i'owöwö me döfi 1982. Ba hiza, iraono satua ba anehe ira zinunö andre. Ya'ia göi zamörötaigö womaikö organ tunggal ba Danö Niha.[1]
Sekola[bulö'ö | bulö’ö kode]
Me inötö iraono ia ba findra ia ba Tetehõsi, Idanõgawo, Kabupaten Nias, me awu'a namania tobali guru ba Detehösi. Heŵa'ae simane da'ö, ba möi sekola SD ba SD Mutiara, Gunungsitoli. Ba aefa ia SD möi ia sekola ba SMP Bunga Mawar, Gunungsitoli. Me no tama ia SMP, ba möi ia ba SMA Negeri 1 Gunungsitoli. Ba meno tama ia SMA, ba mö ia ba D-3 Jurusan Seni Musik IKIP Negeri Medan (1983) [1]
Ba ginötö kuliah ia ba IKIP Negeri Medan, lö hadöi nasa program sarjana, Jurusan Seni Musik ha irugi D-3. [4]
Halöŵö[bulö'ö | bulö’ö kode]
Me no aefa tama ia ba IKIP Medan, ba latema ia tobali PNS ba Danö Niha ba ndröfi 1984. Lö sa'ae itörö uzia PNS wa'aguru. [5] Tobali ia guru ba SMA (i'otarai 1985 ofeta 1989); Aefa da'ö tobali ia Penilik Kebudayaan Depdikbudcam Gunungsitoli (1993-2001); Pengawas Dikmenum Dinas Pendidikan Kabupaten Nias (2005-2010); Sekretaris Disporabudpar Kabupaten Nias (2010-2012); Kepala Bagian Hubungan Masyarakat dan Keprotokolan Sekretariat Daerah Kabupaten Nias (2012-sekarang). [1]
Baero da'ö, ihalö göi halöŵö tobali Ketua Komunitas Seniman Nias. [6]
Halöŵö ba Lisonote[bulö'ö | bulö’ö kode]
Fa'aterou dödönia ba lisonote te'ele'ö i'oroi 9 fakhe ia. Ba ginötö da'ö omasi sibai ia manunö ba itika koroco ma ukulele ba li Indonesia.
Penghargaan[bulö'ö | bulö’ö kode]
- Juara I Song Contest Junior Kabupaten Nias (1974)
- Juara I Lomba Cipta Lagu Mars Gunungsitoli (1985)
- Juara I Lomba Cipta Lagu Pesta Ya’ahowu ke 5 (1994)
- Sertifikat Manajemen Keprotokolan dari STIA-LAN (2012)
- Sertifikat Conference Reformed Ministers’ Kuala Lumpur, Malaysia (2007, 2011, 2012, 2013)
Faigi göi[bulö'ö | bulö’ö kode]
- Sinunö Pop ba Turia Somusodödö
- Sinunö Nias ba Inkulturasi Gereja
- Mardiana ba Fa'amuzaewe Zinunö Pop ba Danö Niha
- Band Simaenaria
- Bate'e Brothers
- Potret Musisi Nias: Arisman Zagötö
- Potret Musisi Nias: Havino S. Duha
- Potret Musisi Nias: Yas Harefa
Umbu[bulö'ö | bulö’ö kode]
- ↑ 1,0 1,1 1,2 1,3 "Man Harefa, Setia Menggeluti Musik Nias". Kabar Nias. 21 Juni 2015. Mufaigi me 29 Mei 2024.
- ↑ "Man(ötöna) Harefa ba Lisonote Danö Niha". Channel Apolonius Lase. 21 Juni 2015. Mufaigi me 29 Mei 2024.
- ↑ "Man Harefa Tano Niha Niomasioda". Youtube. 13 Mar 2019. Mufaigi me 29 Mei 2024.
- ↑ "Man(ötöna) Harefa ba Lisonote Danö Niha". Channel Apolonius Lase. 21 Juni 2015. Mufaigi me 29 Mei 2024.
- ↑ "Man(ötöna) Harefa ba Lisonote Danö Niha". Apolonius Lase Channel. 7 Feb 2024. Mufaigi me 3 Juni 2024.
- ↑ "Pemko Gunungsitoli Apresiasi Prestasi WOW, Juara 2 Lomba Yang Diadakan Kemenparekraf". Pemerintah Kota Gunungsitoli. 25 Mei 2021. Mufaigi me 29 Mei 2024.