Mesin Wangalui

Olayama nahia wangalui Google

Mesin Wangalui (li Indonesia: mesin pencari, li Inggris: search engine) no sambua nahia heza tola la'alui ngawalö zinura ba Internet niha. Mesin wangalui fondrege ebua ba gulidanö ya'ia Google, me 83.49% niha sangalui hadia ba internet me ndröfi 2023, la'alui ia ba google.com. Furinia so Bing, ni'okhögö Microsoft, ba zi 9.19%.

Mesin wangalui no komputer sangirö'ö khai-khai ba fefu nisura niha ba gu'ö Internet. Khai-khai andrö to'ölö latötöi pranala ba li Indonesia ma link ba li Inggris. Eluahania lö i'irö'ö zinura andrö mesin wangalui, ha i'irö'ö khai-khainia.

Gofu hadia zinura si so ba internet no te'irö'ö ia ba zi sambua komputer. Ero komputer andre so nomoronia nifotöi nomoro IP, same'e irege tola tesöndra ia. Duma-dumania nomoro IP mbolokha gu'ö kabarnias.com ya'ia 117.53.44.147. Ena'ö aoha khö niha wanötöi ya'ia ba aoha khöda wananö ba dödö, andrö labe'e döinia simane kabarnias.com. Na lö khönia nomoro IP andrö, ba lö tola tesöndra kabarnias.com da'ö.

Duma-duma hewisa oroma sambua zinura ba kabarnias

Ba duma-duma andre, ero zinura nifairö yaŵa ba mbolokha gu'ö kabarnias.com, so khai-khainia. Duma-dumania khai-khai zinura "Ejaan Bahasa Nias yang Perlu Pembaharuan" so ba https://kabarnias.com/sudut-pandang/ejaan-bahasa-nias-yang-perlu-pembaharuan-10503

Faoma khai-khai andrö tola tabokai ba tabaso zinura andrö yaŵa, gofu hadia wuka gu'ö ni'oguna'öda, Google Chrome ma Microsoft Edge ma zui mesin wangalui tanöbö'ö. Na tabe'e bakha ba nahia wangalui khai-khai da'ö ba tola tesöndra ba tebokai ia.

Nifalua mesin wangalui ya'ia da'ö ba wangowuloi khai-khai fefu zinura si so ba gulidanö. Moroi ba mesin wangalui Google tola tasöndra khai-khai zinura andrö no mege yaŵa, heŵa'ae sinura andrö samösa te'irö'ö ia ba komputer (nifotöi komputer server) kabarnias.com.

Na lö mesin wangalui, lö lala khöda wanöndra ngawalö zura nisura ba internet. Ha awai khöda lala wanöndra sambua zinura, na möi ita ba nomoro IP komputer server khönia. Bahiza haniha zi tola manöngöni fefu döi server si so ba gulidanö?

Eluahania mesin wangalui andre hulö ono meza, heza ta'irö'ö fefu mbalö garate nisurada bakha ngawalö nomoro telepon, ma ngawalö nisurada somasi ita ta'irö'ö. Na möi ita tabokai google.com, fakhili ira na tabokai nono meza andrö, ba ta'alui gofu hadia ia zi no mu'irö'ö bakha ba da'ö.

Faigi göi

• Komputer
• HP
• Wi-Fi
• Data

Umbu

Sura andre awena börö zura nasa. Moguna munönö ba mubönökhi nösinia.
Wikipedia no halöŵö nifalului zato.
Tolo Wikipedia ba wanohugö wanura ya'ia, na so khöu onönöta nösi. Saohagölö.