Wikipedia:Sura amilita/31

Fulu Goroisa no angolifa fulu goroisa si no tobali dane-dane wamahaö lala wa'auri bakha ba agama Yahudi, Niha Keriso ba Islam. Molo'ö Sura Ni'amoni'ö, ifa'ema goroisa andrö khö Moze Lowalangi, ba no isura ia Moze ba dete gara wanura. Börö da'ö itaria göi lafotöi ia Kara Wanura Huku ma ba Li Ibrani לוחות הברית (lûḥōt habbǝrît), eluahania kara wanura amabu'ula.

Latandrösaigö fefu wamahaö bakha ba Gereja Katolik ba zi fulu goroisa andre. Na mangaku horö ira ba lasekhegö dödöra ua molo'ö zi fulu goroisa andrö. Na omasi lasofu hadia zöndra Gereja ba gofu hadia ia zalua ba niha (simane fangetu'ö halöŵö ba politik, famunu niha, korupsi, fangosawuyu, fangaekhugö nono, fasuwöta, btn.) ba silötolalö'ö lasofu ua hadia zi no ifakhoi Lowalangi bakha ba zi fulu goroisa andrö. (Baso fulu goroisa molo'ö teologi ba da'a.)