Society and Exchange in Nias
| Autor | Andrew Beatty |
|---|---|
| Negara | Inggris |
| Li | Inggris |
| Penerbit | Clarendon Press Oxford |
Baŵa terbit | 1992 |
Baŵa terbit (Li Inggris) | 1992 |
| Tipe media | book |
| Nga'örö | 322 |
| ISBN | ISBN 0198278659 |
Society and Exchange in Nias (Niha Mbanua ba Fangalui Lakhömi ba Danö Niha) no sambua mbuku nisura Andrew Beatty, samösa antropolog moroi ba Inggris, sanandrösa ba hada Nono Niha ba ohitö dödöra ba wanöndra lakhömi. Buku andre no bua wangosili si dua fakhe wa'ara nifaluania ba Sifalagö Susua 1986-1988. Ena'ö tola ifalua wangosili andre, no i'eregesi dödö wamomaha ya'ia ba li Niha, irege tola fahuhuo ia ba niha götö we'asonia ba Danö Niha ba li Niha. Götö we'asonia ba Zusua, no itörö lala wa'auri ba da'ö irege hulö samösa Ono Niha ia: möi ia mohalöŵö ba laza, fao ia möi ba Gereja ba luo Migu, fao göi ia möi ba harimbale ba wowöli soguna, fao ia ba wanaro simate, btn. Fao ia na'i ba wamaguru ba sile. Aefa i'awalisi halöŵönia ba Danö Niha itohugö nasa wangosili bö'ö ba danö Jawa, fatua lö mangawuli ia ba danö Inggris ba wangawalisi sekolania ba Antropologi ba Universitas Oxford.
Famöfö'ö ösi
[bulö'ö | bulö’ö kode]So dombua faosatö sebua: ba zi sambua igambaraini hewisa oi gamakhaita niha ba mbanua. Te'a'asogö gamakhaita andre faoma fangai ira'alawe (fangowalu).
Ba faosatö si dua i'osisi'ö hadia lala nitörö niha ba wanöndra lakhömi, ya'ia da'ö faoma famalua owasa. Lafalua gowasa niha si so okhöta ba wanöndra töi fa'abalugu (lakhömi) awö mbosi sebua, same'e irege lafondrondrongo khönia ira niha mbanua bö'ö.
Da'e tou gangolifa nösi mbuku andre:
Famasao
I. Amakhaita niha mbanua
- Banua
- Nga'ötö duhe mbanua ba ira niha bö'ö
- Fa'awösa si lö falalaŵa (asimetris)
- Ngawalö döi gamakhaita
- Si fasui fa'awösa fangowalu
- Fangowalu ba fa'aso gokhöta zangowalu
- Fa'awösa bö'ö
II. Politik wangalui lakhömi
- Afore ba goi-goi wanöndra lakhömi
- Owasa
- Fama'anö owasa
- Owasa
- Bosi ba gotalua niha ba fa'atobali sondrönia'ö
Fangasiwai
Buku andre 322 nga'örö wa'awe'e-we'enia; ba so göi bakha khönia mato ha'uga foto.
Umbu
[bulö'ö | bulö’ö kode]- Andrew Beatty, Society and Exchange in Nias, Clarendon Press Oxford, 1992.