Antropologi

Andrew Beatty now samösa gere antropologi si möi mangosili ba Danö Niha. Toröi ia dua fakhe wa'ara ba Zusua ba wamalua antropologi sosial

Antropologi no sambua wangosili nitandrösaigö ba niha, duma-dumania fefu zi fakhai ba gamuatania ma botonia (nifotöi biologi), ma zui sanandrösa ba hada awö ngawalö do'ölöŵa si so ya'ia bakha (nifotöi budaya), ma sanandrösa ndra sowanua si fasui ya'ia (nifotöi sosial) awö li ni'oguna'önia (nifotöi linguistik), he si so iada'a ba he si so ba zi lalö, fao ba da'ö spesies niha bö'ö si so ba zi lalö. I'osisi'ö antropologi sosial hewisa zi to'ölönia gamuata niha, ba i'osisi'ö antropologi budaya hadia geluaha ngawalö do'ölöŵa ba hada, fao ba da'ö goi-goi awö bosi (nifotöi nilai). Ma'ökhö asese la'osambua manö da'a fefu tobali "antropologi sosio-budaya". Bakha ba antropologi linguistik la'osili hewisa iwöwöi wa'auri fariawösa (sosial) li ni'oguna'ö niha. Bakha ba antropologi biologis ma zui antropologi fisik la'osili hewisa waö-waö wamanöi mboto niha.

Bakha ba antrolopologi arkeologis sasese göi lafotöi antropologi götö föna la'osili hadia ia zi no lafazökhi niha ndrege zi tola ta'ila ba ngawalö wakake ma lahe niröira furi (arkeologi). Lafaogö arkeologi da'a bakha ba antropologi ba Amerika Utara ba ba Asia. Fabö'ö ba Eropa, arkeologi no sambua bolo wamahaö samösa, ma zui lafaogö ia barö sejarah ma paleontologi.