Media sosial

Moroi ba Wikipedia
Mato ha'uga ba gotalua oya media sosial

Media sosial no teknologi nifotöi interaktif same'e ena'ö tola lafazökhi ba lafazaewe informasi, börö wangera-ngera, omasi'öta awö gofu hadia lala wanguma'ö bö'ö ba wa'awösa nifotöi virtual ba ba gu'ö komputer (li Inggris network).[1][2] Börö me oya ngawalö nifotöi media sosial andrö, alua göi wa fabö'ö zöndra niha moroi ba definisi da'a yaŵa.[3][4] Heŵa'ae simanö so sa'atö ni'ilada (li Indonesia fitur) oi so khönia:[2]

  1. Media sosial no ngawalö aplikasi nifazökhi molo'ö teknologi Web 2.0 interaktif.[2][5]
  2. Tuhonia ya'ia ngawalö nösi nifazökhi zangoguna ya'ia simane teks, komentar, foto ma video digital awö data si so börö wariawösa ba gu'ö andrö.[2][5]
  3. Lafazökhi ya'ira sangoguna profil si faudu ba sambua media sosial ni'oguna'öra he bolokha gu'ö (li Inggris website) ba he göi aplikasi, si no ifa'anö organisasi media sosial sangokhögö media sosial andrö.[2][6]
  4. Itolo media sosial wangebua'ö u'ö sosial (li Inggris online social networks) na ifakhai sambua profil zangoguna khö zangoguna bö'ö ma angowuloa tanö bö'ö.[2][6]

Fehede sosial bakha ba döi media sosial eluahania sangoguna awö halöŵö zato no tobali tuho hadia ia ba nahia nifotöi platform andrö. Börö da'ö tola taŵa'ö wa media sosial no fasilitator ma zui sondrou'ö ngawalö gu'ö niha, u'ö ero zi samö-samösa samonönö wa'afakhai niha sato.[7]

Sito'ölönia larugi ngawalö media sosial niha faoma aplikasi gu'ö si so ba komputer desktop ma zui faoma aplikasi media sosial si so ba wakake simane telefon gokhö sonekhe (li Inggris smartphone) ma zui kara wanura digital (li Inggris tablet). Me la'oguna'ö oi wakake andre niha, lafobörö nahia fondrege interaktif, heza tola lafazaewe, lafalulu-fohalöŵö, lafatunö, labulö'ö hadia ia zi no lafazökhi ba la'owuloi ira sangoguna bö'ö.[8][6][1] Onönötania, la'oguna'ö media sosial ba wangirö'ö wanörö-tödö, ba wamahaö ya'ira ba ngawalö hadia ia, ba wangombakha'ö ya'ira ba niha, ba ba wariawösa, awö ba wondrou'ö söndra i'otarai ba wamazökhi nifotöi blog, podcast, video ba game.[9] Amakhaita ba gotalua niha ba teknologi si lö mamalö tebulö andre no tobali fokus mbolo wangosili teknologi nifalua samö-samösa niha.[10] Mato ha'uga mbolokha gu'ö media sosial fondrege populer, si so töra 100 juta zangoguna si no mamasura'ö töira, fao ba da'ö Twitter, Facebook (ba Facebook Messenger), WeChat, ShareChat, Instagram, QZone, Sina Weibo, VK, Tumblr, Baidu Tieba, ba LinkedIn. Ba gofu interpretasi, nahia bö'ö andre göi latötöi media sosial: YouTube, Tencent QQ, Quora, Telegram, WhatsApp, Signal, Line, Snapchat, Pinterest, Viber, Reddit, Discord, TikTok, Microsoft Teams, btn. Baero da'ö so nifotöi wiki, ya'ia da'ö bolokha gu'ö nahia wamazökhi sura nifalului niha sato (falulu fohalöwö).

Oi fabö'ö media sosial moroi ba media tradisional simane majalah, koran, TV ba radio töra-töra na lahörögö kualitas,[11] fa'amuzaewenia, fa'oya kali so nösi sibohou, fangoguna'ö ya'ia, awö wa faudu ba dödö niha nösinia, ba falö alio taya manö ia.[12] Baero da'ö so media sosial bakha ba nifotöi sistem transmisi dialogis eluahania oya gumbunia ba oya göi zangouna'ö ya'ia. Na media tradisional so ia ba nifotöi model transmisi monologis eluahania ha sambua gumbunia sadölö ba oya zangoguna'ö ya'ia. Duma-dumania, lafa'ohe'ö sagörö koran ba ato zangoroi'ö ya'ia (li Inggris subscriber), ifazaewe sambua program sambua stasiun radio ba zi sambua kota.[13]

I'otarai me fondrege muzawili gu'ö digital (li Inggris internet), tola te'oguna'ö media digital ba wamazaewe hada ma zui ba wangila hadia hada sambua media. No tobali proses sibohou khö ndra ere wangosili ba wamareso hewisa lala wehede ba mbolo digital.

No la'ila ya'ira sohörögö media sosial wa so oya lua-lua positif ba negatif wangoguna'ö media sosial. Tola itolo niha ba wondrou'ö fariawösa ba komunitas he ba zi faolo omo ba he yaŵa ba gu'ö (li Inggris online) ba tola göi tobali ia fakake ba wamazaewe ngawalö waniaga ma fakake komunikasi efektif khö perusahaan, pengusaha, organisasi si lö mangalui hare (li Inggris non-profit organisation), partai politik ba famatörö. No göi la'ila ya'ira sohörögö wa itugu oya gerakan sosial sangoguna'ö media sosial tolbai fakake komunikasi ba organisasi ba ginötö alua wasöndrata politik niha sato (li Indonesia kerusuhan politik).

Tola göi la'oguna'ö niha media sosial ba wamazaewe turia satulö ba si lö atulö.


Umbu[bulö'ö | bulö’ö kode]

  1. ↑ 1,0 1,1 Kietzmann, Jan H.; Hermkens, Kristopher (2011). "Social media? Get serious! Understanding the functional building blocks of social media". Business Horizons (Submitted manuscript). 54 (3): 241–251. doi:10.1016/j.bushor.2011.01.005. 
  2. ↑ 2,0 2,1 2,2 2,3 2,4 2,5 Obar, Jonathan A.; Wildman, Steve (2015). "Social media definition and the governance challenge: An introduction to the special issue". Telecommunications Policy. 39 (9): 745–750. doi:10.2139/ssrn.2647377 alt=Dapat diakses gratis. SSRN 2647377 alt=Dapat diakses gratis. 
  3. ↑ Tuten, Tracy L.; Solomon, Michael R. (2018). Social media.marketing. Los Angeles: Sage. hlm. 4. ISBN 978-1-5264-2387-0. 
  4. ↑ Aichner, T.; Grünfelder, M.; Maurer, O.; Jegeni, D. (2021). "Twenty-Five Years of Social Media: A Review of Social Media Applications and Definitions from 1994 to 2019". Cyberpsychology, Behavior, and Social Networking. 24 (4): 215–222. doi:10.1089/cyber.2020.0134 alt=Dapat diakses gratis. PMC 8064945 alt=Dapat diakses gratis Periksa nilai |pmc= (fanolo). PMID 33847527 Periksa nilai |pmid= (fanolo). 
  5. ↑ 5,0 5,1 Kaplan, Andreas M.; Haenlein, Michael (2010). "Users of the world, unite! The challenges and opportunities of social media". Business Horizons. Bloomington, Indiana: Kelley School of Business. 53 (1): 61, 64–65, 67. doi:10.1016/j.bushor.2009.09.003. Mufaigi me 2019-04-28. Social Media is a very active and fast-moving domain. What may be up-to-date today could have disappeared from the virtual landscape tomorrow. It is therefore crucial for firms to have a set of guidelines that can be applied to any form of Social Media [...]. 
  6. ↑ 6,0 6,1 6,2 Boyd, Danah M.; Ellison, Nicole B. (2007). "Social Network Sites: Definition, History, and Scholarship". Journal of Computer-Mediated Communication. 13 (1): 210–30. doi:10.1111/j.1083-6101.2007.00393.x alt=Dapat diakses gratis. 
  7. ↑ Dijck, Jose van (2013-01-02). The Culture of Connectivity: A Critical History of Social Media (ba li Inggris). Oxford University Press. ISBN 978-0-19-997079-7. 
  8. ↑ Schivinski, Bruno; Brzozowska-Woś, Magdalena; Stansbury, Ellena; Satel, Jason; Montag, Christian; Pontes, Halley M. (2020). "Exploring the Role of Social Media Use Motives, Psychological Well-Being, Self-Esteem, and Affect in Problematic Social Media Use". Frontiers in Psychology. 11: 3576. doi:10.3389/fpsyg.2020.617140 alt=Dapat diakses gratis. ISSN 1664-1078. PMC 7772182 alt=Dapat diakses gratis. PMID 33391137 Periksa nilai |pmid= (fanolo). 
  9. ↑ Schurgin O'Keeffe, Gwenn; Clarke-Pearson, Kathleen (2011). "The impact of social media on children, adolescents, and families". Pediatrics. 127 (4): 800–804. doi:10.1542/peds.2011-0054. PMID 21444588. 
  10. ↑ Dennis, Amy (July 5, 2017). "5 Social Media Outlets Ruling the World". Nice Branding Agency. Mufaigi me October 10, 2021. 
  11. ↑ Agichtein, Eugene; Castillo, Carlos; Donato, Debora; Gionis, Aristides; Mishne, Gilad (2008). "Finding high-quality content in social media" (PDF). WISDOM – Proceedings of the 2008 International Conference on Web Search and Data Mining: 183–193. 
  12. ↑ Tao, Xiaohui; Huang, Wei; Mu, Xiangming; Xie, Haoran (18 November 2016). "Special issue on knowledge management of web social media". Web Intelligence. 14 (4): 273–274. doi:10.3233/WEB-160343 – via Lingnan scholars. 
  13. ↑ Pavlik, John; MacIntoch, Shawn (2015). Converging Media 4th Edition. New York, NY: Oxford University Press. hlm. 189. ISBN 978-0-19-934230-3. 
Sura andre awena börö zura nasa. Moguna munönö ba mubönökhi nösinia.
Wikipedia no halöŵö nifalului zato.
Tolo Wikipedia ba wanohugö wanura ya'ia, na so khöu onönöta nösi. Saohagölö.
Tehalö moroi ba "https://nia.wikipedia.org/w/index.php?title=Media_sosial&oldid=21809"