Instagram

Moroi ba Wikipedia
Ae ba navigasi Ae ba wangalui
Instagram
Instagram logo 2016.svg
Instagram logo.svg
Li36 bahasa (Android), 29 bahasa (iOS) [1]
SangotomosiKevin Systrom, Mike Krieger (Burbn, Inc.)
Bolokha gu'öInstagram.com
Bosi Alexa 16 (Global, Mei 2019)[2]
Lisensi konten
Perangkat lunak gratis

Instagram (la'adogo-dogo'ö ia wanötöi lamane; IG ma Insta[3]) sambua perangkat lunak ma aplikasi naha wombagi foto faoma video sitola sangoguna'ö IG andre manga'i gambara, video ba tola göi mamalemba nifotöi filter fotografi digital, ba tola lafazaewe mi sa ba gu'ö ma media sosial tanöbö'ö, fao göi ni'okhögö Instagram da'ö samösa.[4] sambua zi sökhi sibai fitur ba Instagram andre, manaba gambara fagölö-gölö wa'ebua, irege oroma hulö nikoda moroi ba koda sibaga ma laŵa'ö ia Instamatic faoma koda polaroid. Da'a fabö'ö moroi rasio 4:3 ma zui 16:9 si no to'ölö ta'ila ni'oguna'ö ba koda ba peranti si tola tewu'a.

Instagram tola la'oguna'ö ia ba hape iPhone, iPad ma iPod Touch versi gofu hadia manö sangoguna'ö sistem operasi iOS 7.0 ma sibohou sibai, ba Hape Android gofu hadia manö sistem operasi versi 2.2 numalö miyaŵa, faoma Windows Phone 8. Aplikasi da'a tola la failo sanörö wambaliŵa lala ba App Store (iOS) faoma ba Google Play.

Me siŵa mbaŵa öfa döfi si dua ngahönö a felendrua (9 April 2012), no labe'e gangombakha wa Facebook fao dödö ba wanga'i Instagram andre ba harago fa'ebuania ba zi $1 miliar.[5]

Waö-waö Instagram (Sejarah)[bulö'ö | bulö’ö kode]

Burbn, Inc.[bulö'ö | bulö’ö kode]

Perusahaan Burbn, Inc. tefasindro me döfi si 2010, perusahaan teknologi startup same'e tödö ba wo ebua'ö ma pengembangan aplikasi sanandrösa ba telepon genggam. Ba mböröta Burbn, Inc. no so duho ba wangahaogö HTML5 peranti si tola tefawu'a, ba hiza darua CEO, sotöi Kevin Systrom faoma Mike Krieger la'osara'ö doödöra ba zi sambua fokus manö. Me no aefa samigu awai la'osara'ö dödöra, ba ba zi lö mudöna-döna so mbua wangera-ngera sibohou khöra, irege lahaogö zi'oföna sibai ma versi pertama moroi ba Burbn, ba hiza bakha ba da'ö wa'oya nasa zo'amböta. Versi Burbn si no la'asiwai, aplikasi si tola la'oguna'ö ba hape iPhone soya sibai khönia fitur-fitur. Abua sibai khö Kevin Systrom faoma Mike Krieger ba wo'alösi fitur-fitur si no tohöna so, ba ifuli zui labörötaigö moroi ba mbörö, ba hiza ba gafuriata labe'e dödöra ba zanandrösa ba zame'e fangera-ngera ma komentar, faoma ba wame'e tuturu sebua tandra wa'omasi ba zisambua gambara ma foto. Da'ö gaekhulania irege tobali Instagram.[6]

Töi Instagram[bulö'ö | bulö’ö kode]

Töi Instagram tumbu moroi geluaha ma'afefu lala wangoguna'ö aplikasi da'a. Ngawua wehede "insta" tefatumbu'ö moroi ba wehede "instan", simane koda ma kamera polaroid si no ba ginötönia la'ila niha faoma fogaoni "foto instan". Instagram tola göi mangoroma'ö gambara ma foto-foto ba wa'alio sibai lö moguna ginötö sara sibai, hulö simane polaroid no teforoma'ö ia. Ba ngawua wehede "gram" tehalö moroi ba wehede "telegram" lala wohalöŵönia sama'ohe'ö turia salio ba niha saröu misa. Hulö lafaedogö ia ba Instagram si tola mamairö gambara sangoguna'ö fuka gu'ö ma jaringan Internet, irege turia sinangea lafa'ema tola latema ba wa'alio. Börö da'ö Instagram no sambua lakuran moroi ba wehede instan faoma telegram.[7]

Me ngaluo si siŵa mbaŵa si öfa döfi si dua ngahönö a felendrua (9 April 2012), tefatunö ba wuka gu'ö wa Instagram andre, no ihalö ma i'öli khönia Facebook ni haragoi arakhagö ba zi $1 miliar ba labai faoma kefe ba so göi nifoboto ba saham.[5]

Ba ngaluo si felezara mbaŵa si lima döfi si dua ngahönö a fele'önö (11 Mei 2016), Instagram ifa'ele'ö zikhala simanö göi ikon sibohou ba sikhala aplikasi sibohou. Tehalö moroi ba aplikasi siföföna, ikon sibohou nifokhala zi hulö koda ma kamera faoma so la'a-la'a hulö ndrumi.

Angolifa ma Fitur-fitur Instagram[bulö'ö | bulö’ö kode]

Solo'ö ma sifao ba akun zangoguna (Pengikut)[bulö'ö | bulö’ö kode]

Lala wefao ba Instagram ya'ia da'ö tola tobali solo'ö ma sifao ba akun zangoguna'ö tanöbö'ö, ma si no so pengikut Instagram. Moroi ba da'ö ba gotalua zangonuna'ö tola sifaoma mama'ema ngawalö duria ba tola mame'e bua wangera-ngera ba gambara ni falemba ba da'ö moroi ba zangoguna'ö tanöbö'ö. Ha wa'ato zolo'ö göi faoma ha wa'oya zame'e tandra wa'omasi ba gambara zi samösa sangoguna, möi fa'atehöngö zi sambua gambara andrö ba zangoguna'ö Instagram gofu he zo manö so'ira misa. Ba wanöndra somasi sifa'awö ba Instagram, tola tefakhai ba zangoguna'ö Twitter simanö göi ba zangoguna Facebook.

Mamairö Gambara (Mengunggah Foto)[bulö'ö | bulö’ö kode]

Tuho wangoguna'ö moroi ba Instagram andre ya'ia da'ö nahia ba wamairö ngawalö gambara ena'ö te'oroma'ö ba zangoguna'ö tanöbö'ö. Gambara sedöna la fairö tola lahalö moroi ba naha gambara si so bakha ba hape.

Koda ma Kamera[bulö'ö | bulö’ö kode]

Gambara si no lahalö ma la failo sanörö aplikasi Instagram tola göi la'irö'ö bakha ba hape. Fangoguna'ö koda ma kamera moroi Instagram tola lanönö efek, fama'anö la'a-la'a molo'ö zomasi zangoguna'ö ya'ia. So efek kamera simane tilt-shift ba wame'e tuho ba zisambua gambara. Na no lahalö gambara moroi ba koda Instagram, gambara da'ö tola la futa hezo gametahö zomasi te'otahögö ia molo'ö wa'omasi zangoguna'ö.[8]

Gambara-gambara sedöna la fairö ba Instagram lö fo'atongai ma tetehögö gofu ha wa'oya manö, hiza'i no la tatugö ha wa'ebua gambara andrö. Fa'ebua gambara ba Instagram, la'oguna'ö rasio 3:2 ma tefaudugö ba naha si no lahenagö. Ya'ira sangoguna'ö ha molo'ö faebua si no latatugöi andrö, da'ö gambara si tola la fairö. Na no aefo la fairö gambara-gambara, ba tola göi lafuli labulö'ö ia.

Efek Gambara[bulö'ö | bulö’ö kode]

Ba versi si'oföna, Instagram no so khönia 15 efek gambara si tola la'oguna'ö sangoguna ba wamulö'ö gambara khöra. Efek da'ö ya'ia da'ö; X-Pro II, Lomo-fi, Earlybird, Sutro, Toaster, Brannan, Inkwell, Walden, Hefe, Apollo, Poprockeet, Nashville, Gotham, 1977, faoma Lord Kelvin.[9] Me ngaluo si dua wulu mbaŵa si siŵa döfi si dua ngahönö a felezara (20 September 2011), Instagam no'inönö 4 ngawua efek sibohou, ya'ia da'ö; Valencia, Amaro, Rise, Hudson, ba no itibo'ö 3 efek, si no ara, ya'ia da'ö; Apollo, Poprockeet, faoma Gotham. Ba wangoguna'ö efek andre khönia, sangoguna tola laheta zi lö omasi ira.

Fakake ma Fitur tanöbö'ö si so ba nahia wamulö'ö ya'ia da'ö; tilt-shift si fagölö fangoguna'ö koda sangoguna'ö Instagram, ya'ia da'ö ba wangöhörögö zi sambua gambara, ba ba zifasui gambara andrö, hulö ambö fa'atara. Ba wangoguna'ö aplikasi tilt-shift so dombua khönia zikhala ya'ia da'ö; si'öfa sagi ba sowulo-wulo. Si dombua zikhalania andrö tola laföfögö ha wa'ebua ba ha wa'ide-ide molo'ö zomasi zangoguna. Tilt-shift tola göi mamulö'ö zikhala gambara ba zifasui duho gambara da'ö. Irege gambara andrö mozökhi sifaudu ba zomasi zangoguna.[10]


Umbu[bulö'ö | bulö’ö kode]

  1. "How do I change my language settings?". Instagram. Diakses tanggal Maret 3, 2022. 
  2. "Instagram.com Traffic, Demographics and Competitors - Alexa". www.alexa.com (dalam bahasa Inggris). Diakses tanggal 3 Maret 2022. 
  3. "Do YOU know what social media rules you've signed up to? - CBBC Newsround" (dalam bahasa Inggris). Diakses tanggal September 1, 2018. 
  4. Frommer, Dan (3 Maret 2022). "Here's How To Use Instagram". Business Insider. Diakses tanggal 20 Mei 2011. 
  5. 5,0 5,1 "Facebook to Acquire Instagram". Facebook. 9 April 2012. Diakses tanggal 3 Maret 2022. 
  6. Via Adrian Aoun (8 Oktober 2010). "What is the history of Instagram?". Quora. Diakses tanggal 3 Maret 2022. 
  7. "About Us". Instagram. Diakses tanggal 3 Maret 2022. 
  8. PU. "Revamped Instagram 2.0 Hits the App Store: With New Filters, Live Effects, and High Resolution Save". Appotography. Diakses tanggal 3 Maret 2022. 
  9. Becca Caddy (21 Juni 2011). "Why is Instagram So Popular?". The Future is Entertaining. Diarsipkan dari versi asli tanggal 2011-10-06. Diakses tanggal 3 Maret 2022. 
  10. Marc Flores (11 Maret 2011). "Instagram for iPhone updated with new features and effects". Into Mobile. Diakses tanggal 25 September 2011.