Kabel
Kabel ma asese göi latötöi ia meföna kaŵe no töi zinali nifazökhi moroi ba tambagö (li Indonesia "tembaga") ma zui moroi ba galasi, ni'oguna'ö ba wamatörö data elektronik[1] ma zui ba wamatörö hou listrik, irege tola lafa'ohe'ö data andrö moroi ba zi sambua nahia lumalö ba nahia bö'ö. Oya ta'ila kabel nifazökhi moroi ba tambagö, me da'ö zi oföna la'oguna'ö niha, bahiza iada'a itugu oya lafasa kabel nifazökhi moroi ba galasi nifotöi kabel serat optik, me abölö alio ba abölö oya data elektronik si tola ifatörö (faigi gambara tou).
Oya te'oguna'ö ngawalö kabel andre. Tola tobali ia kabel listrik (samatörö hou listrik ba nomo-omo misa), kabel TV, kabel komputer (samatörö hou data elektronik sasese latötöi göi kabel ethernet ma RJ-45) ma zui tobali kabel telepon.
Oroita wehede
[bulö'ö | bulö’ö kode]Tohare wehede kabel ba danö Indonesia moroi ba li Belanda "kabel",[2] niwawalö ndra niha Belanda moroi ba li Latin "capulum"[3], eluahania tali ma sinali.
Galeri
[bulö'ö | bulö’ö kode]
Kabel koaksial/sepaksi: fombugö ba fombalu (A-C), tambagö samatörö data elektronik (D)
Kabel serat optik: oroma oya khönia kabel moroi ba galasi
Kabel listrik si so tölu kabel tambagö bakha
Faigi göi
[bulö'ö | bulö’ö kode]Umbu
[bulö’ö kode]- ↑ (Li Inggris) Grant, August E & Meadows, Jennifer H. (eds.) (2008). Communication Technology Update and Fundamental, Eleventh Edition. Boston: Focal Press
- ↑ "Kabel - betekenis en definitie | Nederlands Woordenboek". www.woordenboeken.nu (ba li Belanda). Mufaigi me 2021-09-23.
- ↑ "CAPULUM, Glossarium mediae et infimae latinitatis, Du Cange et al". ducange.enc.sorbonne.fr (ba li Latin). Mufaigi me 2021-09-23.