Wikipedia:Sura amilita/35

Niha Keriso no töi nibe'e khö ndra solohi khö Keriso. Molo'ö zura Halöŵö Zinenge, te'oguna'ö wanötöi andre si föföna sibai ba mbanua Antiokhia (HalZin 11:26). Aefa we'amöi tou Geheha Ni'amoni'ö yaŵa ndra nifahaö Yesu (HalZin 2) muzawili Duria Somuso Dödö khö Yesu andrö ba gotalua niha si tenga niha Yahudi, i'otarai Yerusalema irugi Roma. Molo'ö tradisi ndra niha Keriso föna alio sibai monönö wa'ato niha Keriso andre, irege ba zi lö arara so tölu nahia si tobali hunö wa'anihakeriso ba ginötö da'ö, ya'ia ba Roma, ba Antiokhia ba ba Alexandria. Ba mbanua Antiokhia andre tebörögö tetötöi ndra samati khö Yesu andrö niha Keriso (Baso dohu-tohunia).