Wikipedia:Sura amilita/21

Yasato Harefa (* Gunungsitoli 16 Mei 1945) no samösa guru sabölö tehöngö börö ngawalö zinunö si no ifazökhi awö mbuku wamahaö Li Niha si no ifa'anö. Tuho halöŵönia ya'ia tobali guru PNS (pegawai negeri sipil). Heŵa'ae tumbu ia ba Danö Niha, ibörögö zekolania me 1957 ba SR (Sekolah Rakyat) Sibolga ba me 1960 itohugö ba SMP Negri Sibolga. Awena aefa da'ö manohugö sekola ia ba SMA Negri Gunungsitoli (1963). Me no awai ba möi ia kuliah ba Universitas HKBP Nommensen ba Pematangsiantar (1968) wanahaö ba Sastra Inggris. Aefa da'ö kuliah zui ia ihalö Pendidikan Umum ba IKIP Gunungsitoli (1975). Furi hö inönö na sa faoma kuliah Psikologi, Pendidikan ba Bimbingan ba IKIP Gunungsitoli (1987). (Baso dohu-tohunia)