Tawuo

Moroi ba Wikipedia
Ae ba navigasi Ae ba wangalui

Sura ba da'a wurugö nösi zura

Tawuo
Piper betle leaf.jpg
Selembar daun sirih, sagörö dawuo
Klasifikasi ilmiah
Kingdom: Plantae
(unranked): Angiospermae
(unranked): Magnoliidae
Order: Piperales
Famili: Piperaceae
Genus: Piper
Spesies: P. betle
Nama binomial
Piper betle

Tawuo, ma ba li Indonesia laŵa'ö ia ya'ia da'ö Sirih. Tawuo andre sambua zinumbua sauri ba danö Indonesia ba simanö göi ba Danö Niha. Tawuo fa'aurinia sanana, si so ngenge, sanofa ba zinanö tanöbö'ö.[1] Tawuo andre bulu faoma buania no to'ölö langanga ia niha ba nafo sifao khönia simane gambe (gambir), fino (pinang), bago (tembakau) faoma betua (kapur). Hiza, fonganga afo no la fakhai ia ba wökhö faosa mbawa ma lamane börö wonganga afo wa mo faosa mbawa ma ba Danö Niha asese laŵa'ö mogifi, hiza tawuo andrö so khönia misa ma sanga'asogö squamous cell carcinoma si no la'ila malignan. Ba betua ni'a faoma tawuo tola möi fa'atekörö ngingi (pengerutan gusi) ma laŵa'ö ia (periodentitis) sitola möi börö wa'adeha nifö, heŵa'ae tawuo andre sindruhunia so khönia dalu-dalu (antiseptik) sanaha fa'atöla nifö.[2]

Tawuo no la'oguna'ö sitobali sinumbua dalu-dalu (tanaman obat) (fitofarmaka); si no moguna sibai ba wa'auri niha ba tawuo andre göi sambua sinumbua sasese la'oguna'ö ba ngawalö gangowuloa ba wamalua hada (upacara adat rumpun Melayu).

Ba Indonesia, tawuo sambua sinumbua ma flora khas provinsi Kepulauan Riau. Niha si so ba wetaro mbanua ba Kepulauan Riau no labe'e sibai ba dödöra hewisa hada wonganga afo andre na so gangowuloa hada, simena ba wanema'ö tome, tawuo zumange basö-basö dödö. Da'a tenga ha ba Kepulauan Riau, simanö göi zalua ba Danö Niha, tawuo ma afo no sambua fasumangeta si lö tolö lö'ö so. Ba ofeta ma'ökhö lö taya ia ba gotalua mbanua.

Sikhala dawuo (Ciri-ciri batang, daun, dan bunga/buah)[bulö'ö | bulö’ö kode]

Sinumbua sanana da'a ikhamö ba wa'alaŵa 15 mete. Töla ma ngenge dawuo andrö, araidö-raidö (coklat kehijauan), owulo-wulo dölania, mondroto-ndroto nahia wa'atumbu ŵa'ania. Bulunia si ha sagörö ba ngenge, sito'ölönia hulö gambara dödö zikhalania, no adarö-darö mbute mbulunia, tumbu mbulunia fasaule-saule ba ngengenia, mo hakhi side-ide, ba mohua safangö-fangö na lafera'ö mbulunia. Fa'anau irugi 5 – 8 cm ba fa'ebolonia 2 – 5 cm. Buania oya mongawua ba so khönia mbulu sotötöwui buania andrö ± 1 mm owulo-wulo ba anau. Ba mbua zimatua so ba zi 1,5 – 3 cm ba so khönia dombu benang sari sadogo-dogo, na ba zi'alawe fa'anaunia so ba zi 1,5 – 6 cm so khönia misa kepala putik tölu irugi lima ngawua, so la'a-la'a safusi faoma saruzö-ruzö. Buania ya'ia simane bua buni sowulo-wulo sowuge'e. Ŵa'a aruzö-ruzö sowulo-wulo.

Sinumbua Tawuo

Si so ba dawuo ba gunania (Kandungan dan manfaat)[bulö'ö | bulö’ö kode]

Fanikha atsiri moroi ba mbulu dawuo asese laŵa'ö minyak terbang (betIephenol), seskuiterpen, pati, diatase, gulo faoma zat samak ka kavikol da'ö khönia zamunu tungö, antioksidasi ba fungisida, anti jamur. Tawuo tola göi fangalösi fa'aböu mboto simane alo-alo ni a'asogö dalimbo (bakteri dan cendawan). Tenga ha da'ö tawuo tola itaha ndro na labe'e ia ba zesokho, tola ifadöhö zesokho ba guli, ba tola itolo naso zalua ba mbetu'a. Tawuo andre, wa'oya gunania ba wa'auri niha. Tola fangeheta ma famoto eha si fakha'a. Asese labe'e ba nikhu naso zi tefengo, ba wanaha do mato dua nga'örö. Piper betle, la sasai, lakörö'ö amena la zozo nikhu sangele do. Baero da'ö nasa so khönia zat si aktif simane fenol faoma kavikol bulu dawuo danö ni'oguna'ö sitobali dalu-dalu wöla ba zinanö ma laŵa'ö ia pestisida nabati ba wamunu hama[3]

Tawuo ba Danö Niha[bulö'ö | bulö’ö kode]

Ba Danö Niha tawuo andre, sambua zinanö fondrege aoha wa'aurinia. Dozi niha oi mananö tawuo, me moguna sibai ia ba wonganga afo. Tawuo andre, ba tesöndra ia ba lafo ma ba Harimbale, no lagölugö, ba famawa ya'ia ero sagölu. Tawuo tenga ha ni'a, so göi dawuo sauri ba ndru'u, sasese laŵa'ö ia tawuo danö. Tawuo, no moguna sibai ba Danö Niha, sifao ba mbola ba lala hada na so gangowuloa. Irege tawuo sinanö si lö aetu la orifi ma latohugö wananö dozi niha si so ba Danö Niha.

Fangoguna'ö (Kegunaan)[bulö'ö | bulö’ö kode]

Tawuo tola mamadöhö ngawalö wökhö:

  1. Eha / Batuk
  2. Fa'agoboto mbewe, fa'asila ngai mbewe / Sariawan
  3. Eha sabölö-bölö / Bronchitis
  4. deŵa, ndreŵa / Jerawat
  5. Keputihan
  6. Fökhö nifö, satöla / Sakit gigi karena berlubang
  7. Fa'aukhu / Demam berdarah
  8. Fa'aböu mbawa / Bau mulut
  9. Haid tidak teratur
  10. Fa'ambö mbadu Asma
  11. Fökhö dölö-tölö / Radang tenggorokan (daun dan minyaknya)
  12. Fa'abao ngingi / Gusi bengkak (getahnya)
  13. Mangeheta ta'unö hörö / Membersihkan Mata
  14. Fa'aböu narö galoho (alo-alo) / Bau ketiak
  15. Fa'aböu mbawa / Bau Mulut

Fangoguna'ö baero (Pemakaian luar)[bulö'ö | bulö’ö kode]

  1. Eksem
  2. Sakhozi / Luka bakar
  3. Sagaitö ba gahe / Koreng (pyodermi)
  4. Böni / Kurap kaki
  5. Faosa / Bisul
  6. Tefengo / Mimisan
  7. Fökhö hörö / Sakit mata
  8. Fa'akalua ndro ba ngingi / Perdarahan gusi
  9. Manaha fe'amöi baero nidanö meme / Mengurangi produksi ASI yang berlebihan
  10. Mangalösi fa'ali-ali / Menghilangkan gatal

Fanura sura da'a ba gangolita ngawua wehede moroi yöu (dialek Nias Utara) Lambang kabupaten nias utara.jpg

Gnome-home.svg
Ondröita Digital Nono Niha
Sura andre tefaböbö ba halöŵö Ondröita Digital Nono Niha sangowuloi fefu hadia ia zanandrösa ba
li (bahasa), hada (budaya), waö-waö (sejarah), fangi'ila (pengetahuan, kebijaksanaan) Nono Niha.
Na so ni'ilau moroi ba mbuku nibasou ma fanutunö zatua soguna sibai,
böi alaŵö wonönö ya'ia ba da'a (na faudu ia ba da'a) ma zui ba zura tanö bö'ö ba Wikipedia Li Niha.



Gohe-Gohe[bulö'ö | bulö’ö kode]

  1. Mursito, B. dan Heru P: "Tanaman Hias Berkhasiat Obat", halaman 59-60. Jakarta. Penebar Swadaya. 2002
  2. Herman (24 Maret 2015). "Kebiasaan Menyirih Bisa Sebabkan Gigi Tanggal". 
  3. Sudarmo, S: "Pestisida Nabati, Pembuatan dan Pemanfaatannya",

Khai-khai baero[bulö'ö | bulö’ö kode]