Sitölubanua Fadoro
Sitölubanua Fadoro Sitolubanua Fadoro | |
|---|---|
Desa | |
 Peta desa Sitölubanua Fadoro | |
| Negara | Indonesia |
| Provinsi | Sumatra Utara |
| Kabupaten | Nias Barat |
| Kecamatan | Moro'ö |
| Fa'ebolo | |
| • Fefu | 3,71 km2 (1,4 sq mi) |
| Sowanua (2019)[1] | |
| • Fefu | 1,291 niha |
| • Fa'afasösö | 347,98/km2 (900/sq mi) |
| Kode pos | 22862 |
| Kode Kemendagri | 12.25.04.2005 |
Sitölubanua Fadoro no sambua desa ba Kecamatan Moro'ö, Kabupaten Nias Barat. Kodenia ba wamatörö Indonesia 12.25.04.2005. [2]
Banua da'e ba no sambua ba gotalua zi 10 banua si so bakha ba kecamatan Moro'ö. Fa'ebolonia 3,71 km (kilo meter) ma 7, 09% moroi ba wa'ebolo kecamatan Moro'ö[3]. Banua andre ba no so ia ba hili-hili simane sifagölötö mbanua ba zi sagörö Tanö Niha. Fefu nomo no tefa'oli fatahö-tahö ba so göi zi fasaulesaule. Ewali nomo si sandrohu banua ba no tobali lala göi ia ba wamakhai omo faoma omo ba banua bö'ö si so ba zi fasui.
Banua si faola ba mbanua Sitölubanua Fadoro, ya'ia da'ö Hilifadölö ba gatumbukha luo, Onolimbu Yöu (Mandrehe Barat) gaekhula, Onozalukhu Yöu tanö raya, ba iraonogambö II (Mandrehe) tanö yöu faoma Humene Sihene'asi (Nias Utara). Fa'aröu Gedo Salaŵa Mbanua Sitölubanua Fadoro moroi ba nina mbanua kecamatan Moro'ö so mato 6 kilo meter[4].
Molo'ö data Moro'ö Dalam Angka 2020[5], fa'ato niha ba Mbanua Sitölubanua Fadoro so 1.291 niha. Ba gotalua da'ö so 643 ndra matua ba 648 ndra alawe.
Niha Mbanua
[bulö'ö | bulö’ö kode]Niha mbanua Sitölubanua Fadoro tola tewa'ö oi sifatalífusö manö. Oroma da'e ba mado niha mbanua si so irugi ma'ökhö. Arakhagö fefu Niha ba Zitölubanua Fadoro ba ha mado gulö faoma Waruwu. Na so mado tanöbö'önia ba lö ato ira. Si to'ölönia da'ö ha sifatewu, ma zui ira alawe nihalö tobali donga ndra matua niha mbanua Zitölubanua Fadoro moroi ba mbanua bö'ö. Hiza'i fa'afabö'ö madora andrö ba lö tobali taha-taha ba wariawösa ba niha mbanua börö me fetarora no tefagölösi ba niha mbanua so'arota ma sangai ya'ira.
Fangalui Niha Mbanua
[bulö'ö | bulö’ö kode]Fangalui niha mbanua Zitölubanua Fadoro fagölö ira ba mbanua bö'ö. Ha dombua ngawalö zi tobali tötönafö niha mbanua, ya'ia da'ö mohalöŵö ba laza (bertani sawah) ba mogai gitö. Na so ira zohalöŵö ba danöbö'ö si mane sohalöwö ba wamareta, sogale ba nomo ma zui ba harimbale, ba tola teŵa'ö lö ato si'ai ira.
Fama'ö ba Zikola
[bulö'ö | bulö’ö kode]Ba mbanua andre ba so zikola ni'asogö wamareta, ya'iya da'ö SDN ma Sekolah Dasar Negeri, sambua Sekolah Menengah Pertama Negeri, ba sambua Sekolah Menengah Kejuruan (SMK). Lö sisindro nasa SMA, töratöra zikolah salaŵa nifotöi Pergurua Tinggi. Lö sana da'ö.
Agama Niha Mbanua
[bulö'ö | bulö’ö kode]Ba Zitölubanua Fadoro so tölu ngawua gosali si fao bakha ba Mbanua Niha Keriso Protestan.
Hada
[bulö'ö | bulö’ö kode]Niha mbanua Sitölubanua Fadoro no sambua banua nga'ötö zi Lima Ina göi ira. Meföna ba banua da'ö fao ia ba Nöri Moro'ö. Börö da'ö, fa'auri niha mbanua ba ngawalö gamuata nifalua si mane famalua falöŵa, famazökhi omo, fame'e ono nihalö, ba lafalua da'ö molo'ö goiogoi si no lafatö'ö ira satua ba Wondrakö zi Lima Ina. Umbu
Umbu
[bulö'ö | bulö’ö kode]- ↑ 1,0 1,1 BPS Kabupaten Nias Barat (2020), Kecamatan Moroo Dalam Angka 2020, nga'örö 36.
- ↑ Peraturan Menteri Dalam Negeri No.72 Tahun 2019 (PDF), Kementerian Dalam Negeri, nga'örö 562. (Li Indonesia)
- ↑ Kecamatan Moro'ö Dalam Angka Tahun 2020, nga'örö 6
- ↑ ibid, nga'örö 25
- ↑ ibid, nga'örö 34
| ||
| Kecamatan |  | |
| ||