Hilisörömi, Moro'ö
Hilisörömi Hilisoromi | |
|---|---|
Desa | |
| Negara | Indonesia |
| Provinsi | Sumatra Utara |
| Kabupaten | Nias Barat |
| Kecamatan | Moro'ö |
| Fa'ebolo | |
| • Fefu | 2,76 km2 (1,1 sq mi) |
| Sowanua (2019)[1] | |
| • Fefu | 544 niha |
| • Fa'afasösö | 197,10/km2 (510/sq mi) |
| Kode pos | 22862 |
| Kode Kemendagri | 12.25.04.2003 |
Hilisörömi no sambua desa ba Kecamatan Moro'ö, Kabupaten Nias Barat. Kodenia ba wamatörö Indonesia 12.25.04.200.[2] Banua da'e ba no sambua ba gotalua zi 10 banua si so bakha ba kecamatan Moro'ö. Fa'ebolonia 2,76 km (kilo meter) ma 5,28 % moroi ba wa'ebolo kecamatan Moro'ö[3]. Banua andre ba no so ia ba dalu hili simane sifagölötö mbanua ba zi sagörö Tanö Niha. Fefu nomo no tefa'oli fatahö-tahö ba so göi zi fasaule-saule. Ewali nomo si sandrohu banua ba no tobali lala göi ia ba wamakhai omo faoma omo ba banua bö'ö si so ba zi fasui. Fa'aröu Gödo Zalaŵa mbanua Hilisörömi moroi ba gödo Kecamatan Moro'ö so mato 8 kilo meter[4].
Banua si faola ba mbanua Hilisörömi, ya'ia da'ö Onozalukhu Yöu ba gatumbukha, Asi Sebolo nifotöi Asi Hindia (Lautan Hindia) ba gaekhula, Onolimbu Yöu tanö-raya, ba Laowöwaga tanö-yöu.
Molo'ö data Kecamatan Moro'ö Dalam Angka Tahun 2020[5], fa'ato niha ba Hilisörömi so 544 niha. Ba gotalua da'ö so 264 ndra matua ba 280 ndra alawe.
Niha Mbanua[bulö'ö | bulö’ö kode]
Niha mbanua Hilisörömi tola tewa'ö oi sifatalífusö manö. Oroma da'e ba mado niha mbanua. Arakhagö fefu Niha Hilisörömi ba ha mado Gulö. Na so mado tanöbö'ö simane Waruwu, Hia ba tanöbö'önia ba lö ato ira. Tola ni'erai ba duru wa'atora. Si fabö'ö mado andrö ya'ia da'ö ira alawe nihalö tobali donga ndra matua niha mbanua Hilisörömi moroi ba mbanua bö'ö. Hiza'i fa'afabö'ö madora andrö ba lö tobali taha-taha ba wariawösa ba niha mbanua börö me fetarora no tefagölösi ba niha mbanua so'arota ma sangai ya'ira.
Fangalui Niha Mbanua[bulö'ö | bulö’ö kode]
Fangalui niha mbanua hilisörömi ha dombua ngawalö nihurufai niha, ya'ia da'ö mohalöŵö ba laza (bertani sawah) ba mogai gitö. Na so ira zohalöŵö ba danöbö'ö si mane sohalöwö ba wamareta, sogale ba nomo ma zui ba harimbale, ba tola teŵa'ö lö ato si'ai ira.
Famahaö ba Zikola[bulö'ö | bulö’ö kode]
Ba mbanua andre ba so zikola ni'asogö wamareta, ya'iya da'ö SDN ma Sekolah Dasar Negeri. Lö sisindro nasa SMP, SMA, töratöra zikolah salaŵa. Lö sana da'ö
Agama[bulö'ö | bulö’ö kode]
Ba Hilisörömi so tölu ngawua gosali, ya'ia da'ö dombu gosali Mbanua Niha Keriso Protestan dan sambua Gereja Katolik. He ŵa'ae simanö ba tola auri ira faoma fa'afaduhu dödö khö Lowalangi
Hada[bulö'ö | bulö’ö kode]
Banua Hilisörömi no sambua banua nga'ötö zi Lima Ina göi ia. Meföna ba banua andre fao ia ba Nöri Moro'ö. Börö da'ö, fa'auri niha mbanua ba ngawalö gamuata nifalua si mane famalua falöŵa, famazökhi omo, fame'e ono nihalö, ba lafalua da'ö molo'ö goiogoi si no lafatö'ö baora satua ba Wondrakö zi Lima Ina.
Umbu[bulö'ö | bulö’ö kode]
- ↑ 1,0 1,1 BPS Kabupaten Nias Barat (2020), Kecamatan Moroo Dalam Angka 2020, nga'örö 36.
- ↑ Peraturan Menteri Dalam Negeri No.72 Tahun 2019 (PDF), Kementerian Dalam Negeri, nga'örö 562. ((Li Indonesia))
- ↑ BPS Kabupaten Nias Barat (2020), Kecamatan Moroo Dalam Angka Tahun 2020, nga'örö 6.
- ↑ BPS Kabupaten Nias Barat (2020), nga'örö 25.
- ↑ BPS Kabupaten Nias Barat (2020), nga'örö 36
| ||
| Kecamatan |  | |
| ||