Sisarahili I

Moroi ba Wikipedia
Sisarahili I
Desa
Peta
Peta desa Sisarahili I
NegaraIndonesia
ProvinsiSumatra Utara
KabupatenNias Barat
KecamatanMandrehe
Fa'ebolo
 • Fefu3,71 km2 (1,4 sq mi)
Sowanua
 (2019)[2]
 • Fefu1,562 niha
 • Fa'afasösö421,02/km2 (1,100/sq mi)
Kode pos
22862
Kode Kemendagri12.25.05.2016

Sisarahili I no sambua desa ba Kecamatan Mandrehe, Kabupaten Nias Barat. Kodenia ba wamatörö Indonesia 12.25.05.2016. [3]

Sisarahili I andrö ba no sambua ba gotalua zi 20 banua si so bakha ba kecamatan Mandrehe. Fa'ebolonia 3,71 km (kilo meter) ma 4, 68 % moroi ba wa'ebolo kecamatan Mandrehe[4]. Banua andre ba no so ia ba hulu hili-hili simane sifagölötö mbanua ba zi sagörö Tanö Niha. Fefu nomo no tefa'oli fatahö-tahö ba so göi zi fasaule-saule. Ewali nomo si sandrohu banua ba no tobali lala göi ia ba wamakhai omo faoma omo ba banua bö'ö si so ba zi fasui.

Banua si faola ba mbanua Sisarahili I, ya'ia da'ö Hilimaöga ba gatumbukha Tetehösi ba gaekhula, Zuzundrao tanö yöu ba Fadoro tanö raya. Molo'ö data Mandrehe Dalam Angka 2020, fa'ato niha ba Ndraogogambö so 1.562 niha. Ba gotalua da'ö so 730 ndra matua ba 832 ndra alawe[5].

Tewu'a döi Mbanua[bulö'ö | bulö’ö kode]

Fatua lö samatörö Balanda ba Danö Niha, töi mbanua Sisarahili I andrö, ya'ia da'ö Hiligoe. He wa'ae simanö, irugi iada'a töi Hiligoe lö ahoe ba dödö niha fefu. Börö da'ö, fanötöi Si salahili I, asese tefagilo-gilo ma tefalali-lali wanötöi ya'ia ba Hiligoe. Niha mbanua andre ba no sambua ba gotalua zi tölu banua (dombua banua tanöbö'ö, ya'ia da'ö Iraonogambö ba Tetehösi) zifao ba wahasara dödö ba ŵamunu Marasusi ma nifotöi Horö Daŵa. Marasusi andrö ba no faosatö zamatörö Balanda ba Danö Niha nifataro ba Mbanua Lahagu.

Me no aefa labunu Marasusi ba lagohi-gohi manö ira samatörö ba labibi-bini'ö göi ira ba dalu gatua ba ŵangaröu'ö ya'ira ba danga zamatörö. Ena'ö aefa ira ba wolohi-lohi zamatörö Balandra ba emane khöra tua Falito Geremani, Fandrita Zendering H. Lageman, ena'ö laröi mbanua Hiligoe ba lasawa mbanua Sisarahili I[6]. Ŵaö-ŵaö wamunu Marasusi andrö ba tefatunö ia ba zinura tanöbö'ö.

Tekhe Mböŵö[bulö'ö | bulö’ö kode]

Ba mbalö mbanua Hiligoe ba no tefetaro goŵe Tekhemböŵö bua Wondrakö nifalua nga'ötö zi Lima Ina, öri Moro'ö. Si faböbö bakha ba zi lima Ina andrö, ya'ia da'ö ono mado Gulö, mado Zebua, mado Waruwu, mado Hia, ba mado Zai. Tekhe mböŵö adrö ba no tobali lohe-lohe nga'ötö Zi Lima Ina Moro'ö na lafalua halöŵö sanandrösa ba hada.

Niha mbanua[bulö'ö | bulö’ö kode]

Niha mbanua Zisarahili I andrö oi si fagölötö niha si mane ba mbanua bö'ö ba Mandrehe. Ya'ira andrö tola tewa'ö oi sifatalífusö manö. Oroma da'e ba mado niha mbanua. Arakhagö fefu niha Zisarahili I ha mado Gulö. Na so mado tanöbö'ö ba lö ato, mato dombua ma tölu ngambatö. Mado bö'ö andrö ba ha sifateŵu ira si mane ba mbanua Detehösi ma Iraonogambö börö ŵamakhai si tenga bö'ö ba zi samö-samösa niha.

Umbu[bulö'ö | bulö’ö kode]

  1. BPS Kabupaten Nias Barat (2020), Kecamatan Mandrehe Dalam Angka 2020, nga'örö 40.
  2. BPS Kabupaten Nias Barat (2020), Kecamatan Mandrehe Dalam Angka 2020, nga'örö 40.
  3. Peraturan Menteri Dalam Negeri No.72 Tahun 2019 (PDF), Kementerian Dalam Negeri, nga'örö 562. (Li Indonesia)
  4. Kecamatan Mandrehe dalam Angka, Tahun 2020, Badan Pusat Statistik Kabupaten Nias, nga'örö 6
  5. ibid, nga'örö 38
  6. Talihuku Gulö (2003), Sura Hikaya ba Amakhoita Hada Nifakhoi Zi Lima Ina ba Wondrakö Moro'ö, Tetehösi Mandrehe, dokumen pribadi, nga'örö 41