Tuho'öwö, Mandrehe
Tuho'öwö Tuhoowo | |
|---|---|
Desa | |
 Peta desa Tuho'öwö | |
| Negara | Indonesia |
| Provinsi | Sumatra Utara |
| Kabupaten | Nias Barat |
| Kecamatan | Mandrehe |
| Fa'ebolo | |
| • Fefu | 2,77 km2 (1,1 sq mi) |
| Sowanua (2019)[2] | |
| • Fefu | 257 niha |
| • Fa'afasösö | 92,77/km2 (240/sq mi) |
| Kode pos | 22862 |
| Kode Kemendagri | 12.25.05.2011 |
Tuho'öwö no sambua desa ba Kecamatan Mandrehe, Kabupaten Nias Barat. Kodenia ba wamatörö Indonesia 12.25.05.2011.[3]
Banua andre ba no sambua ba gotalua zi 20 banua si so bakha ba kecamatan Mandrehe. Fa'ebolonia 2,77 km (kilo meter) ma 3,57 % moroi ba wa'ebolo kecamatan Mandrehe.[4] Banua andre ba so ba hili-hili si mane banua tanö bö'ö. Omo niha mbanua ba mbanua andre oi teoli-oli ba fatahö-tahö ero omo hewa'ae so göi zi fasaule-saule si mane ba mbanua bö'ö. Samabali omo si fatahö-tahö andrö ya'ia da'ö eŵali sitobali lala samakhai ero nomo ba he göi banua bö'ö.
Banua si faola ba mbanua Tuho'öŵö, ya'ia Fadorobahili, Tumöri Faekhu.
Molo'ö data Mandrehe Dalam Angka 2020, fa'ato niha ba Duho'öŵö so 257 niha[2]. Ba gotalua da'ö so 129 ndra matua ba 128 ndra alawe. Fao ba da'ö fefu ndraono ba satua.
Niha Mbanua[bulö'ö | bulö’ö kode]
Si mane ba mbanua bö,ö, niha mbanua Duho'öŵö tola tewa'ö oi sifatalífusö manö. Oroma da'e ba mado niha mbanua si so ba da'ö. Fefu ira zi so ba mbanua andrö ba ha sambua mado, ya'ia da'ö mado Gulö.
Fa'afaduhu Dödö[bulö'ö | bulö’ö kode]
Fefu Niha mbanua ba mbanua andre tola tewa'ö oi faduhu dödöra ŵa so Loŵalangi sangorifi boto ba noso niha molo'ö fa'afaduhu dödö Niha Keriso. Ba mbanua andrö so 2 (dombua) ngawua gosali Mbanua Niha Keriso Protestan si tobali naha wanuno Loŵalangi molo'ö si to'ölö ba Niha Keriso. Ero luo Migu ba gosali andrö momöi niha mbanua Duho Öŵö ba wanuno Lowalangi ba he göi ba ngaluo tanöbö'ö na so halöŵö sanandrösa ba nifaduhusira tödö.
Fangalui Niha Mbanua[bulö'ö | bulö’ö kode]
Si mane ono mbanua ba mbanua bö'ö, fangalui Niha Duho Öŵö andre ba ahatö fefu ira sohalöwö ba danö ma sogai gitö. Ba wohalöwö ba danö lalau molaza ba mananö sinaö he si tola tobali balazo Niha ba he göi nibe'e ö gurifö simane gowi, gowirio, btn.
Umbu[bulö'ö | bulö’ö kode]
- ↑ BPS Kabupaten Nias (2020), Kecamatan Mandrehe dalam Angka 2020, nga'örö 6
- ↑ 2,0 2,1 BPS Kabupaten Nias (2020), nga'örö 38
- ↑ Peraturan Menteri Dalam Negeri No.72 Tahun 2019, nga'örö 562.
- ↑ BPS Kabupaten Nias (2020), nga'örö 6.
| ||
| Kecamatan |  | |
| ||