Li si bohou

Li Sibohou (li Indonesia: bahasa lidah ma bahasa Roh, li Yunani: glossolalia) no li salua ba mbawa niha samati ba ginötö wangandrö sabölö-bölö. Asese alua ia ba gotalua ndra Niha Keriso si tefaböbö ba Wendrakose ma zui denominasi bö'ö nifotöi karismatik. Asese alua ia me föna ba Danö Niha ba ginötö Wangesa Sebua (1915-1930). Lafotöi ia Li Sibohou me lö sangila eluaha wehede salua ba mbawa andre, lö na'i i'ila geluahania niha sangandrö andrö. Lamane niha wa ha si so buala fangi'ila zi tola mamo'eluaha ya'ia. Laŵa'ö ira Niha Keriso wa li sibohou andre no moroi khö Geheha Ni'amoni'ö salua börö wa'abölö wangandrö, irege lita niha sangandrö andrö, maniri-niri ba alua ba mbewenia li si hulö fehede bahiza lö ta'ila geluaha. Asese lafotöi niha sangila li sibohou andre sangi'ila ma sama'ele'ö. Faduhu dödö niha wa ya'ira andre tola la'ombakha'ö hadia zedöna alua iada'a ba he göi ba zi soföna.