Lasarabaene
Lasarabaene Lasara Baene | |
|---|---|
Desa | |
 Peta desa Lasarabaene | |
| Negara | Indonesia |
| Provinsi | Sumatra Utara |
| Kabupaten | Nias Barat |
| Kecamatan | Mandrehe |
| Fa'ebolo | |
| • Fefu | 5,54 km2 (2,1 sq mi) |
| Sowanua (2019)[2] | |
| • Fefu | 605 niha |
| • Fa'afasösö | 109,20/km2 (280/sq mi) |
| Kode pos | 22862 |
| Kode Kemendagri | 12.25.05.2014 |
Lasarabaene no sambua desa ba Kecamatan Mandrehe, Kabupaten Nias Barat. Kodenia ba wamatörö Indonesia 12.25.05.2014. [3]
Lasara Baene andrö ba no sambua ba gotalua zi 20 banua si so bakha ba kecamatan Mandrehe. Fa'ebolonia 5,54 km (kilo meter) ma 4,17 % moroi ba wa'ebolo kecamatan Mandrehe.[4] Banua andre ba no so ia ba hulu hili-hili simane sifagölötö mbanua ba zi sagörö Tanö Niha, i'otarai ba mbawa salo'o ba zi föfö raya irugi mbalö mbanua Detehösi ba zi föfö you. Fefu nomo no tefa'oli fatahö-tahö ba so göi zi fasaule-saule. Ewali nomo si sandrohu banua ba no tobali lala göi ia ba wamakhai omo faoma omo ba banua Mbawa Salo'o tanö raya ba banua Detehösi tanö you.
Banua si faola ba mbanua Lasara Baene, ya'ia da'ö Tetehösi, Bawa Salo'o, Iraonogambö. Molo'ö data Mandrehe Dalam Angka 2020, fa'ato niha ba Lasara Baene so 605 niha. Ba gotalua da'ö so 291 ndra matua ba 314 ndra alawe.[5]
Niha Mbanua[bulö'ö | bulö’ö kode]
Niha mbanua Lasara Baene andrö oi mado Waruwu ira fefu. Na molo'o nidunö-dunö zatua me föna, niha Lasara Baene andrö ba sifatalifusö ira Niha Ziana'a ba he mado Waruwu tanö bö'ö sitoröi ba mbanua bö'ö simane si so ba Nono Zalukhu yöu ba Mandrehe he göi ba Gafulu ba ba Lahewa ba mafi you.
Fa'afaduhu Dödö[bulö'ö | bulö’ö kode]
Fefu Niha mbanua ba mbanua andre tola tewa'ö oi faduhu dödöra ŵa so Loŵalangi sangorifi boto ba noso niha molo'ö fa'afaduhu dödö Niha Keriso. Ba mbanua andrö so 2 (dombua) ngawua gosali Mbanua Niha Keriso Protestan si tobali naha wanuno Loŵalangi molo'ö si to'ölö ba Niha Keriso. Ero luo Migu ba gosali andrö momöi niha mbanua ba wanuno Lowalangi ba he göi ba ngaluo tanöbö'ö na so halöŵö sanandrösa ba nifaduhusira tödö.
Fangalui Niha Mbanua[bulö'ö | bulö’ö kode]
Si mane ono mbanua ba mbanua bö'ö, fangalui Niha Lasara Baene andre ba ahatö fefu ira sohalöwö ba danö ma sogai gitö. Ba wohalöwö ba danö lalau molaza ba mananö sinaö he si tola tobali balazo Niha ba he göi nibe'e ö gurifö simane gowi, gowirio, btn.
Umbu[bulö'ö | bulö’ö kode]
- ↑ BPS Kabupaten Nias Barat (2020), Kecamatan Mandrehe Dalam Angka 2020, nga'örö 40.
- ↑ BPS Kabupaten Nias Barat (2020), Kecamatan Mandrehe Dalam Angka 2020, nga'örö 40.
- ↑ Peraturan Menteri Dalam Negeri No.72 Tahun 2019 (PDF), Kementerian Dalam Negeri, nga'örö 562. ((Li Indonesia))
- ↑ Kecamatan Mandrehe dalam Angka, Tahun 2020, Badan Pusat Statistik Kabupaten Nias, ngörö 6
- ↑ Ibid, nga'örö 38
| ||
| Kecamatan |  | |
| ||