Wikipedia:Sura amilita/45

Amaedola no sambua lala huhuo sangoguna'ö maedo-maedo ba wanguma'ö hadia ia. Moroi na latörö lala huhuo nifamahö towa, lahaogö wanguma'ö ya'ia ena'ö lö tetutu ba dödö zamondrongo. Duma-dumania ba wanegu iraono si lö sökhi amuata, moroi na lahöwö ia, lafatörö khönia gamaedola simane "Böi badu nidanö ba wehasu-hasu" ma zui "Böi hulö fatuko bawa zangasio".

Ba hiza so tölu ngawalö gamaedola. So gamaedola sebua simane nidunö-dunö sanau wanutunö ya'ia, so göi gamaedola side-ide simane mato ha'uga ngaroro wehede, ba so göi gamaedola nihohoi'ö fanguma'ö.

Sasese tarongo laŵa'ö niha ero ma'ökhö no amaedola side-ide. Asese lafazaewe gamaedola si mane ba media sosial simane Facebook. Amaedola nihohoi'ö fanguma'ö asese tarongo ia ba ginötö gowasa, falöŵa, bakha ba zinunö btn.

Amaedola sebua lö asese mututunö ia ba wahuhuosa si ero ma'ökhö börö me anau ia. Te'oguna'ö ia ba wamahaö, ba wombaso hikaya khö ndraono, ba wamazaewe hikaya si tobali börö wame'e töi sambua banua ma öri, btn. So felendrua ngawalö ia. (Baso dohu-tohunia)