Wikipedia:Sura amilita/34

Fangesa Sebua ma sabölö fagönania Fangesa Dödö Sebua no töi nibe'e niha ba zalua ba ginötö 1915-1930, me alio muzawili Duria Somuso Dödö ba zi sagörö Tanö Niha, irege ba ginötö si lö arara ato Nono Niha tobali niha Keriso.

Me luo da'ö no töra 50 fakhe wa'ara me no tohare misi Protestan ba Danö Niha, bahiza hulö na ambö mowua halöŵö ndra falito andrö. Me 1890 isura J.A. Fehr, samösa ba gotalua ndra falito: Alimagö me hulö sindruhu lö ba dödö Nono Niha wangata'ufi Lowalangi. Irugi da'ö ha fasamösa Nono Niha si tobali niha Keriso, niha sato latohugö manö wolo'ö famati Nono Niha meluo da'ö, ya'ia folohe adu.

Bahiza me 1915 tohare wangesa dödö si lö mudöna-döna, si muzawili hulö galitö ba zi sagörö Tanö Niha. Fagohi niha ba wangolembai famati khö Keriso, lafakiko fefu zi fakhai ba wamatira föna, ya'ia da'ö fefu zi fakhai ba wame'e adu. Waö-waö awö lua-luania? (Baso dohu-tohunia)