Wikipedia:Sura amilita/29

Rafarafa (Li Indonesia tapak liman) no sambua zinumbua si tefaböbö ba famili ndru'u sobowo sihulö luo (töi ilmiah Asteraceae ma bunga matahari ba li Indonesia). Asese tumbu ia ba zinga newali ma zui ba zinga geno'o, ba tola göi ba golayama, ba zinga lala, ba mbewe mbandra, ba zinga mbombo ba tanöbö'önia. Ŵa'ania aro fakha'a tou ba danö. Tölania abe'e ba adogo-dogo. Bulunia tumbu sagö-sagörö moroi ba döla, omböilania manganau ba no ahalo-halo tanö ba mbalö, mogökha-gökha ba zinga ba mogumo dete mbulunia. Na no atua ia ba mobowo. Bowonia no orudu ba lalai döla, sola'a safusi ba itaria göi so zobowodoru. Rafarafa asese la'ogunaö ia tobali dalu-dalu wökhö gowimanekhe (li Indonesia batu ginjal), fökhö gulo ba dalu-dalu wa'aukhu. Bahiza tebai labadu ia ira'alawe sotabina, börö tola ibe'e adudu nono ba dalu. (Baso dohu-tohunia)