Wikipedia:Sura amilita/27

Talö (li Latin, Colocasia esculenta L.) no sinanö bayania tola labali'ö ö ma famalala gö. Lö ta'ila sibai heza oföna sibai latanö dalö, na ba Asia Tenggara ma zui ba Asia Tengah, ba hiza ta'ila wa no latanö ia niha fatua lö labörötaigö wananö fakhe. Iada'a no muzawili dalö ba zi sagörö ulidanö simane ba India, Cina, Afrika Barat ba Afrika Utara, faoma Hindia Barat. Tenga ha ba Danö Niha labali'ö dalö andre famalala gö ma famaedo gö, ba hiza göi ba danö tanö bö'ö simane ba ngawalö hulo Oseania ba asese labali'ö ia ö fao mbua zinanö bö'ö. (Baso dohu-tohunia)