Wikipedia:Sura amilita/11

Gowirio (li Latin Manihot esculenta, li Indonesia ubi kayu, ketela pohon, li Jawa Barat singkong) no sambua zinumbua ba danö si so töla ba hiza lö tobali eu sebua ia. Tefaböbö ia ba soi Euphorbiaceae ba auri ia ba gölana tropika faoma subtropika.

Ŵa'ania tobali tuho gö same'e karbohidrat ba bulunia tobali bulugeu (sayur).

So dombua ngawalö gowirio: si nami-namitö ba safeto. Gowirio si to'ölö ta'ila ba Danö Niha ba si nami-namitö andrö. Ide-ide göi ia moroi ba gowirio safeto. Gowirio safeto egebua nösinia ba oya khönia bakha langu nifotöi sianida. Andrö wa silötolalö'ö lahaogö wama'anö ya'ia ena'ö tola mu'a. Börö da'ö göi asese la'oguna'ö gowirio safeto ba wamazökhi hamo (tepung tapioka), kripik ma ö tanöbö'ö nifa'anö ba pabrik.

Tanömö gowirio ba tölania andrö samösa nitanö tou ba danö. Aoha wananö ya'ia me lö moguna sibai khönia oya halöŵö wondrorogö simane sinanö bö'ö.

Gowirio no tuho gö he ba Danö Niha ba he ba mbanu-banua misa, tola nirino, nibogö ma zui nisano. (Baso dohu-tohunia)