Wikipedia:Ngawalö zura si faudu ba Wikipedia, Wikikamus ba ba Wikibuku
Ba da'a tebotokhi hadia zura sinangea lafo'osi ba Wikipedia, ba Wikikamus ba ba Wikibuku. Hewisa ta'ila wa abölö sökhi lafo'ösi zura nisurada ba Wikibuku ba tenga ba Wikipedia? Hewisa ta'ila wa abölö faudu lafairö ia yaŵa ba Wikikamus?
Prinsip
[bulö’ö kode]- Kamus (Wikikamus) no nahia wamaigi definisi wehede. Si to'ölönia definisi ba kamus ha sambua ma dombua kalimat.
- Ensiklopedia (Wikipedia) no nahia wamaigi definisi sabölö anau ba abakha. Tebai ha sambua kalimat simane ba kamus. Si lö'ö-lö'önia so khönia sambua paragraf (minimum 5 kalimat).
- Buku (Wikibuku) no ngawalö nibaso. Tola sambua puisi, cerpen, novella, tola sambua opini ma zui rahu-rahu sambua buku ma zui sambua angolifa hadia ia.
Goi-goi
[bulö’ö kode]- Ba Wikipedia ha tola lasura pernyataan si so umbu. Duma-dumania ösura da'a bakha ba Wikipedia: "Kabupaten Nias Selatan no sambua kabupaten, khönia so fondrege oya niha silumana ba Provinsi Sumatera Utara." Si lö tola lö'ö öbe'e dokumen heza moroi öhalö da'a. Na lö khöu umbu-nia ba böi sura ia.
- Tebai te'oguna'ö Wikipedia (ba simanö göi Wikibuku) ba wangobousi töi niha, töi sambua soi ba zui töi sambua negara.
Faigi göi goi-goi andre moroi ba Wikipedia Indonesia
Duma-duma
[bulö’ö kode]Duma-duma bö'ö:
Omasido usura zanandrösa ba maena. Heza usura ia?
Be'e ia ba Wikikamus na ösinia definisi maena.
Be'e ia ba Wikibuku na ösinia töi maena (lirik).
Be'e ia ba Wikipedia na ösi zura andrö sanandrösa ba hadia maena, hadia gunania ba konteks budaya Nias, hadia zi fakhili ia ba wanari ba soi bö'ö, btn.
Omasido usura zanandrösa ba nakhe. Heza usura ia?
Be'e ia ba Wikikamus na ösinia definisi nakhe.
Be'e ia ba Wikipedia na ösinia sanandrösa ba zinumbua akhe (klasifikasi ilmiah, gunania ba niha, lala wamarö tuo, data ekonomi duo, btn.).
Be'e ia ba Wikibuku na andrö nösinia sanandrösa ba hadia zalua ba Danö Niha na mabu ira tuo nifarö, ngawalö hikaya si fakhai ba duo, btn.
Omasido usura zanandrösa ba wangowalu. Heza usura ia?
Be'e ba Wikikamus definisi wangowalu.
Be'e ba Wikipedia hadia wangowalu, eluahania ba Zura Ni'amoni'ö, eluahania ba ngawlö soi, btn. (faigi duma-dumania sura Perkawinan ba Wikipedia bahasa Indonesia ma zui sura Marriage ba Wikipedia bahasa Inggris).
Be'e ia ba Wikibuku na ösinia sanandrösa ba ngawalö hada wangowalu ba Danö Niha, hikaya si fakhai ba wangowalu, angolifa döi mböwö, btn.