Wikipedia:Fafa wanura Nias
Hadia itaria ösura ba li Niha ba media sosial simane WhatsApp, Telegram ma zui ba Facebook?
Hadia aföli ndra'ugö wanura hurufo ö faoma ŵ, börö me lö hurufo da'ö ba wafawanura (keyboard) si so ba hape (smartphone)? Ena'ö tebura hurufo ö, ba tahöndrögö ba tataha ua hurufo o, ba awena ta'alui ö. Simanö göi ŵ. Itugu ara ba itugu areu ita wangalui ya'ia. Andrö wa ato niha sangoguna'ö manö 6 ma zui o.
Harizaki me so keyboard Nias. Tenga ha hurufo ö faoma ŵ zi so khönia. So göi khönia bakha kamus li Niha. Eluahania na manura ita ba iforoma'ö khöda wehede si no so, irege lö moguna tahöndrögö ero hurufo, bahiza hatö tafili wehede si no te'oroma'ö. Duma-dumania na tabörögö tasura ya'a ba otomatis te'oroma'ö wehede ya'ahowu, ya'ami, btn. Eluahania hatö tafili wehede ya'ahowu, lö moguna tahöndrögö ero hurufo y, a, a, h, o, w ba u.
Ba da'a tou so wanuturu lala, hewisa wamairö ya'ia ba hape (smartphone).
Instalasi
[bulö’ö kode]Moguna mufa'anö dombua aplikasi: 1) AnySoftKeyboard ba 2) Nias for AnySoftKeyboard
Instalasi aplikasi AnySoftKeyboard
[bulö’ö kode]- Ae ba Google Play Store ba alui aplikasi AnySoftKeyboard, ma zui höndrögö ba da'a
- Höndrögö ba hagu Install ma Instalasi ba baloi irege awai.
Instalasi kamus Nias for AnySoftKeyboard
[bulö’ö kode]- Ae ba Google Play Store ba alui aplikasi Nias for AnySoftKeyboard, ma zui höndrögö ba da'a
- Höndrögö ba hagu Install ma Instalasi ba baloi irege awai.
Mama'anö setelan keyboard
[bulö’ö kode]- Ae ba gangolifa aplikasi si so ba hp. Höndrögö ba AnySoftKeyboard.
- Höndrögö ba CLICK HERE samö'i-mö'i ni'oroma'ö ba da'ö.
- Höndrögö ba START SETUP
- Höndrögö ba SWITCH ACTIVE KEYBOARDS
- Te'oroma'ö oi ngawalö li si so ba hp. Höndrögö ba English AnySoftKeyboard
- Höndrögö ba ALLOW CONTACTS-BASED TYPING SUGGESTIONS aefa da'ö ALLOW
- Höndrögö ba SETUP LANGUAGES. Te'oroma'ö ngawalö keyboard si no tehöna.
- Heta tanda (v) moroi ba English, börö lö sa'atö ta'oguna'ö wafawanura ba li Inggris.
- Ae mitou ba gangolifa wafawanura andrö, irege oroma keyboard Nias.
- Faigi ena'ö no tefili keyboard Nias (so dandra v)
- Na omasi'ö ndra'ugö wanura ba wiki tola göi Wiki öbe dandra v ba keyboard Wiki. Keyboard andre moguna sibai ba wanura ba li Niha ba wikipedia, wikikamus ba ba wikibuku Nias.
- Awai!
Ero manura ndra'ugö ba WhatsApp ma zui aplikasi bö'ö tola öfalali keyboard si no so (sito'ölönia keyboard Inggris) tobali keyboard Nias.
Na furi na öbokai aplikasi AnySoftKeyboard ö'ila so gambara ba gahe. Ngawalö keyboard simane Nias so ba gambara gulidanö sowulo-wulo. Na omasi'ö manura nifanörö (li Indonesia menulis dengan menyapukan jari) ba höndrögö ba gambara si hulö ulö-ulö ba be dandra v ba Enable gesture-typing [BETA]. Fanutura ba wanura nifanörö turu andre so ba wanuturu andre tou.
Ba da'a so zinura sanandrösa ba fitur keyboard Nias ba ba da'a so wanuturu hewisa wamairö fafa wanura andre ba hape.
Fanolo
[bulö’ö kode]Na omasi'ö nasa wanolo ba wama'anö fafa wanura andre, tola öfa'ohe'ö wanofu khö @niawiki ba Facebook ma zui ba Telegram (alui Komunitas Wiki Nias).