Tanö Niha Mbanua Somasido

Partitur resmi zinunö Tanö Niha Mbanua Somasido

Teks asli zinunö Tanö Niha Mbanua Somasido nifa'anö me 19 Mei 1957

Tanö Niha Mbanua Somasido ma asese la'adogo'ö sinunö Tanö Niha, no töi sambua zinunö fondrege si no tehöngö ba Danö Niha. Töra moroiba zinunö bö'ö, Tanö Niha andre no hulö tobali sambua nifotöi lagu kebangsaan (Li Indonesia) ma anthem (Li Inggris), börö me asese la'anunöisi ia na owulo niha ba la'oroma'ö wa sindruhu la'odödögö wondrou'ö ba ba wangehao Tanö Niha.

Fama'anö

Sinunö andre no nifa'anö Aro'ö Zebua (A. Dandra) moroi ba Nononamölö, Laraga Ononamölö Tumöri, ba hiza lirik-nia ba Li Niha nifa'anö Ligim Zebua ba ba Li Indonesia Yasato Harefa, ba no göi ibe zöndrania Fg. Harefa ba wama'anö ayati dua.

Ha dombua ayati ia, adogo-dogo ba hiza mo'ahonoa, börö me fefu wehede sasese so bakha ba zinunö nifotöi anthem andrö no oi so khönia: hawa'ebua, hawa'asökhi, ba ha wa'atabö zinanönia, ba gofu hewisa lö olifu ira ia ba labe-dödöra wondrorogö, ba wondrou'ö, ba ba wangehao ya'ia.

Tanö Niha mbanua somasido,
tanö si tumbu ya'o föna,
he mukoli ndra'o ba zaröu,
ba lö olifudo sa ia.

Tanö situmbudo,
mohili wa ebolo ndraso,
so nungo nidanö ba mbombo
fasui asi sebolo.

Tanö Niha satabö sinanö,
sowanua khönia lö fa'ambö,
ufabu'u wa ubelegö,
me ya'odo khöu dötönafö.

Tanö omasiö,
no so'ö ba duduma-hörö,
amaedola nina ndra'ugö,
sangebua sondrorogö.

Simane oi ngawalö zinunö sitehöngö tanöbö'ö, no so oya zinunö andre ba YouTube. Alimagö wa no ma'ifu faehu moroiba zinunö asli. Börö da'ö no inorogö-tödö amada Yasato Harefa, samazökhi aransemen zinunö Tanö Niha, wamazökhi berkas audio resmi sitola mufondrondrongo (faigi tombol audio zinunö).

Video Tanö Niha Mbanua Somasido molo'ö versi asli

Umbu

• Berkas partitur resmi nifa'ema Yasato Harefa, samazökhi aransemen zinunö andre.
• Foto teks asli nifa'ema Yasato Harefa, sanura lirik Li Indonesia zinunö andre.