Töwu

Moroi ba Wikipedia
Ae ba navigasi Ae ba wangalui

Sura ba da'a wurugö nösi zura

Töwu (Tebu)
Sugar cane leaves.jpg
Bulu Döwu (Daun tebu)
Klasifikasi ilmiah
Kingdom: Plantae
Divisi: Magnoliophyta
Kelas: Liliopsida
Order: Poales
Famili: Poaceae
Genus: Saccharum
L.
Species

Saccharum arundinaceum
Saccharum bengalense
Saccharum edule
Saccharum officinarum
Saccharum procerum
Saccharum ravennae
Saccharum robustum
Saccharum sinense
Saccharum spontaneum

Deretan tanaman tebu di perkebunan
Potongan tebu yang siap diproses

Ba Danö Niha Töwu, no sambua sinanö saoha sibai auri. Ba newali, ba naha gowi, ba hinölu laza, no tola tesöndra döwu andrö. Ba li Indonesia latötöi ia Tebu (Saccharum officinarum Linn) (bahasa Inggris: sugar cane) ya'ia da'ö sinumbua soguna ba wangahaogö gulo faoma vetsin. Sinanö da'a ha ba iklim tropis auri ia. Sinanö da'a tefaogö ia ba gangolifa ndru'u (rumput-rumputan). Na no latanö ndrege zi döfi, ba tola lahalö döwu andrö. Ba danö Indonesia, no oya latanö niha ia, simane ba mbanua Jawa faoma ba Sumatra. Sikhalania ya'ia da'ö mondroto-ndroto, ba so misa khönia gumo ba mbörö faoma bulunia. Gumo da'ö khönia lö fefu dewu, so ia molo'ö danömönia, simanö göi wa'alaŵa döwu andrö, no fabö'ö-bö'ö, he fa'esolo dölania ba he göi ngandroto no fabö'ö-bö'ö. Ba hiza molo'ö si no latanö niha dozi banua misa, fa'alaŵa nia so ba zi 2,5 mete ofeta 4 mete, fa'esolo döla ma diameter so ba zi 2 – 4 cm. Töwu sinanö monokotil faoma auri lewiönia ba ngandrotonia aefa da'ö mongafu wa'aurinia[1]

Sinanö töwu andrö, auri molo'ö hadia mbaŵa zalua bada'ö, baŵa deu ma baŵa lökhö. Na lö sökhi atö mbaŵa simane baŵa deu manö, ma zui baŵa lökhö sara, hiza töwu andrö auri ia molo'ö wa'asökhi mbaŵa salua. Na baga atö, tenga baŵa deu sibai ba tenga baŵa lökhö göi, töwu auri sökhi, atabö ia ba alio mongafu. Töwu auri ia zi 0 – 900 mdpl ma 0 – 900 mete moroi ba dete nasi , fa'alua deu ba zi 2000mm/ero döfi, fa'aukhunia (suhu udara) ba zi 21 – 32o C, dan pH tanah 5 – 6[1].

Ba wangahaogö gulo, töla döwu si no lahalö, la be'e ba botoŵa samera'ö ma mesin pemeras (mesin press) si so ba fabiri gulo. Aefa da'ö idanö si möi baero moroi ba wamera'ö ya'ia andrö, la sari ba larinogö faoma la'afusi'ö irege tobali ia gulo safusi si no oi la'ila niha iada'a. Moroi ba nihalö nidanö döwu andrö, tesöndra khönia gulo zi 5%, lölö döwu si 90% ba si törania böi-böi ma (molasse) faoma idanö.

Bulu döwu soköli, ba li Jawa latötöi dadhok ya'ia da'ö tola möi biomassa si so kalori salaŵa. Ira ina-ina ba mbanua asese mangoguna'ö dadhok labali'ö eu galitö; me alio aukhu faoma ba wo'alösi mangoguna'ö fanikha tanö ba möi fangatalisi gefe ma'ifu ba wa'amaha mböli wanikha tanö iada'a.

Ba wangali fa'abölö ma konversi energi ba fabiri gulo, bulu döwu faoma lölö döwu si no lahalö nidanö khönia misa, tola tobali fangorifi holo-holo ma boiler, ba zau-zaunia tola manolo famera'ö döwu ba fabiri faoma tola fanolo ba wanga'asogö fa'abölö (produksi) ba wandru (pembangkit listrik).

Hiza si so mbanua misa, töwu andre sambua sinanö simöi fangalösi wa'owökhi dödö, yamendrua na baŵa lökhö, töwu idanö salio basö-basö dödö. Ba idanö döwu andre, moguna ia ba mboto niha simane monönö ni fotöi glukosa. Simane samawa idanö döwu nibe'e esi ba mbanua Jember.[2]

Fangahaogö döwu ba Indonesia (Produksi Tebu di Indonesia)[bulö'ö | bulö’ö kode]

Ba Indonesia, sinanö döwu la'ehaogö ia ba danö Jawa faoma Sumatra. Me döfi si dua ngahönö a fele'önö (2016), molo'ö Direktorat Jenderal Perkebunan tesura wa'ebolo kabu döwu ikhamö ba zi 445.520 hektar, irege tola lahalö khönia nidanö döwi si no la ehaogö (nilai produksi) ba zi 2,222 juta ton[1]. Ba wanga'i töwu si no tola lahalö, idugu tedou wa'ebolo nahiania i'otarai döfi si sara ngahönö a siŵa ngaotu a ŵalu ngafulu (1980), fa'ebolo meluo da'ö so ba zi 316.063 ha, ba aefa da'ö tedou ba zi 50,69% tobali fa'ebolonia ba zi 427.123 ba ndröfi si dua ngahönö a feledölu (2013). Fa'atedou wa'ebolo wanga'i töwu, me no tedou göi wa'ebolo wanga'i töwu andre ba kabu niha mbanua (Perkebunan Rakyat), si no ato tobali oke döwu ba Indonesia. Sifao ba wa'atedou da'ö fangahaogö idanö döwu ba wetaro gulo hablur no tedou göi ia i'otarai me döfi si saribu a siŵa ngaotu a ŵalu ngafulu (1980). Börö da'ö, tefaigi ba ndröfi si sara ngahönö a siŵa ngaotu a siŵa wulu a ŵalu (1998) no so wa'alö wa'oyania me ba ginötö da'ö alua krisis ekonomi. Na la faigi ba ndröfi fatua lö 1998 idanö döwu gamaudu gulo hablur no aröu fabö'ö. Ba ndröfi si sara ngahönö a siwa ngaotu a siwa wulu a walu (1998) ha 1,48 juta ton, ba hiza ide-ide ia moroi ba ndröfi si sara ngahönö a siwa ngaotu a siŵa wulu a fitu (1997) so ba zi 2,19 juta ton. Ba da'a ara ma'ifu wa'aluania ofeta döfi si dua ngahönö a öfa (2004). Ofeta ba ndröfi si dua ngahönö a fele'önö, Ditjen Perkebunan no tola la erai wa'atobönö kabu döwu ba Indonesia irege ikhamö ba zi 2,71 ton ma tedou ia ba zi 116% na la'erai moroi ba ndröfi 1998[3].

Standarisasi wangahaogö gulo (Standardisasi Produk Gula)[bulö'ö | bulö’ö kode]

Tuho si tola la'ehao moroi ba döwu ya'ia da'ö gulo, si no standardisasi famareta Indonesia, fetaro sanga'i halöŵö ba Direktorat Standardisasi dan Pengendalian Mutu Kementerian Perdagangan Indonesia. Gulo safusi ma Gula Kristal putih (GKP) sambua zi no latatugöi SNI molo'ö Peraturan Menteri Pertanian Nomor 68/Permentann/OT.140/6/2013. SNI GKP ya'ia da'ö SNI 3140.3:2010 faoma Amandemen 1.2011 Gula Kristal Putih. Sedöna la henagö ba wanöndra fa'asökhi gulo ma Persyaratan mutu untuk Gula Kristal Putih simane si so tou ba da'a: [4].

No. Parameter Uji Satuan Gula Kristal Putih (SNI 3140.3:2010)
GKP 1 GKP 2
1 Warna
Warna Kristal CT 4,0 – 7,5 7,6 – 10,0
Larutan IU 81 – 200 201 - 300
2 Besar Jenis Butir mm 0,8 – 1,2 0,8 – 1,2
3 Susut Pengeringan (b/b) % Maks 0,1 Maks 0,1
4 Polarisasi (oZ, 20oC) oZ Min. 99,6 Min 99,5
5 Abu Konduktiviti % Maks 0,10 Maks 0,15
6 Bahan Tambahan Pangan
Belerang Dioksida mg/kg Maks 30 Maks 30
7 Cemaran Logam
Timbal (Pb) mg/kg Maks 2 Maks 2
Tembaga (Cu) mg/kg Maks 2 Maks 2
Arsen (As) mg/kg Maks 1 Maks 1

Fangahatö Metabolomik ba wamanöi fangahaogö idanö döwu Indonesia (Pendekatan Metabolomik untuk Meningkatan Produksi Tebu Indonesia)[bulö'ö | bulö’ö kode]

Sambua zi no lafalua wamareso metabolomik ba döwu, ya'ia da'ö famareso relasi profil metabolit moroi ba wa'amanöi döwu simane töla, lewiö. Ba lewiö aksila ba döwu, si to'ölönia tefa'aso wetaro kondisi dorman; heŵa'ae no simanö na segmen moroi ba döla sanahe node faoma internode ba embrio ŵa'a si lö'ö-lö'önia so khönia lewiö viabel ni findrakö moroi ba ndroto-ndroto hezo auri ia ba latanö ba danö, ba hiza no tola auri simane töwu nitanö faoma baginia. Töwu no la'ila niha wa tola i'owuloi sukrosa ba dölania. Sukrosa da'ö tola la'oguna'ö substrat ba wanolo fa'auri döwu. Sukrosa si tesöndra ba döwu no lafareso ba gradien, hiza sukrosa ba internoda sawuyu adogo-odogo ia moroi ba internoda si no atua. Börö da'ö karbon ni'irö'ö döwu andre ba zikhala sukrosa tola lawa'ö ia nomöi börö we'aso lewiö misa ba ngandrotonia. Fanahö da'a tehalö molo'ö angombakhata wa sukrosa sambua metabolit sifakhai ba wa'atumbu zinanö. [5].

Angolifa metabolit malaŵa'ö ia Komposisi metabolit ya'ia da'ö sambua wakake ma tool si powerful ba wamakhai interaksi gen faoma fenotip si tola ni'ila ba zisambua zi so fa'auri, da'a göi möi si tola lafaigi ha wa'asonia ba zi sambua nahia zinanö. Famareso si no lafalua ba zinanö döwu, sifakhai ba jaringan metabolit (metabolic networks) moroi ba döla faoma lewiö. Ba hiza töwu andrö, lafaigi göi lewiö sauri ba ngandrotonia me da'ö göi sambua zonönö fangalio wa'auri döwu, ba börö da'ö la'oguna'ö nifotöi Profiling metabolit primer si tola mame'e gambara ba döwu zedöna lafareso. Metabolit si so ba döwu alio sibai fakhai ia na lafaedo khönia metabolit kunci (sukrosa, putrescine, glutamat, serin, dan myo-inositol) ba da'a möi sambua börö wa'auri . Baero da'ö metabolit tola labali'ö ia famareso danömö döwu. [5].

Sambua zalangu dödö zo halöŵö ba kabu döwu ba Indonesia, me adogo-dogo sibai gulo zi so misa ba döla döwu sauri ba Indonesia ma lawa'ö ia adogo-dogo khönia Rendemen. Na Rendemen döwu laŵa'ö so khönia gulo 10%, eluahania wa moroi 100 kg töwu si no lagili ba ginötö wanga'I gulo ba döwu, gulo la söndra ba zi 10 kg. Molo'ö Center for Indonesian Policy Studies, fa'ebua rendemen döwu ladöna-döna alua ba wokabusa töwu ba Indonesia si no tefareso ha 7,50%. Fa'ebua da'a tola laŵa'ö adogo-dogo ia moroi ba rendemen Filipina si no ikhamö ba zi 9,20%, ba rendemen döwu ba Thailand, ya'ia da'ö fa'ebua 10,70%. Na la'odödögö nasa ia tola manöi rendemen döwu sauri ba Indonesia. Börö da'ö na tafaigi ba mbanua bö'ö simane ba Filipna no omasi tesöndra gulo fa'oya 1 juta ton, so khöra döwu fa'oyania 10,8 ton, na ba Thailand fa'oya 9,3 ton, ba Indonesia fa'oya 13,3 ton. Da'a zimöi fa'arugi ba zohalöŵö ba kabu döwu ba Indonesia, börö da'ö irege la fe'aso gulo moroi baero mbanua Indonesia. [6].

Börö da'ö, ba wamareso metabolomik si tola lafalua ba zinanö döwu andre, ya'ia metabolomik si tola modou'ö fa'alaŵa rendemen döwu ba Indonesia. So mbörö zifakhai ba wa'adogo-dogo gulo ba döwu zauri ba Indonesia, ya'ia da'ö ba lala wananö ndra sohalöŵö ba kabu döwu, si lö tola lö'ö la dou wangi'ila hewisa lala satulö simöi fangazökhi döwu Indonesia.

Faigi göi[bulö'ö | bulö’ö kode]

Umbu[bulö'ö | bulö’ö kode]

  1. 1,0 1,1 1,2 Kurnia, I Gusti Ayu Maya. 2018. Tebu (Saccharum officinarum Linn). Diakses pada 28 Maret 2019 pukul 23.05.
  2. Rasakan manisnya 8 Manfaat air tebu bagi kesehatan (via SehatQ.com)
  3. Pusat Data dan Sistem Informasi Pertanian Sekretariat Jenderal – Kementerian Pertanian. 2016. Outlook Tebu 2016. Jakarta: Kementerian Pertanian. Halaman 13 – 15
  4. Kementerian Perdagangan Indonesi. 2017. Kebijakan Pengawasan SNI Wajib
  5. 5,0 5,1 Ferreira, D. A., Martins, M. C. M., Cheavegatti-Gianotto, A., Carneiro, M. S., Amadeu, R. R., Aricetti, J. A., Caldana, C. (2018). Metabolite Profiles of Sugarcane Culm Reveal the Relationship Among Metabolism and Axillary Bud Outgrowth in Genetically Related Sugarcane Commercial Cultivars. Frontiers in Plant Science, 9.doi:10.3389/fpls.2018.00857.
  6. Siregar, Boyke P. 2018. Tingkat Rendemen Anjlok, Tebu Indonesia Kalah Saing. [online] https://www.wartaekonomi.co.id/read200234/tingkat-rendemen-anjlok-tebu-indonesia-kalah-saing.html. Diakses pada 5 April 2019 pukul 06.21.

Sifakhai baero[bulö'ö | bulö’ö kode]