Sula
Sula no sambua wakake ni'oguna'ö ba wangeheta sawu mbanio nifazökhi moroi ba geu sabe'e simane Manawadanö ma Burune ma zui nifazökhi moroi ba zi'öli. To'ölö lataru'ö ia ba danö ba balönia satarö ituturu miyaŵa. Lahalö mbanio ba lahawiagö ia ba mbalö satarö andrö, irege ifahö zawu mbanio andrö sula. Awena latuhaini ia, irege faefa zawu moroi ba zole mbanio bakha. Asese la'oguna'ö zula, me alio ia moroi na la'oguna'ö mbelewa.
Famazökhi
[bulö'ö | bulö’ö kode]Tola mufazökhi zula moroi ba zi'öli ma zui moroi ba geu sabe'e simane Manawadanö ma zui Burune, bahiza meföna ba Danö Niha to'ölö mufazökhi ia moroi ba geu. Moguna lafili geu sadölö, böi abila. Aefa da'ö la'ataröisi ba la'abolo-bolo'ö mbalö tanö ba hogu ba tanö ba mbörö la'atarö'ö ena'ö tola tetaru ba danö. Fa'anaunia ambö töra 1 meter, moroi ba da'ö ambö töra 20cm tetaru'ö ba danö dania. Asese la'okhögö ia niha sasese mamokai sawu mbanio, simane ya'ira sogale banio ma zui niha samarö fanikha sami moroi ba mbanio.
Töi
[bulö'ö | bulö’ö kode]Ba mbanua bö'ö to'ölö lafotöi sulimat zula moroi ba zi'öli ba sula manö na lafazökhi ia moroi ba geu.[1]
Umbu
[bulö'ö | bulö’ö kode]- ↑ Fajar Kurniawan, Sepuluh Senjata Tradisional Jawa Barat Serta Penjelasannya, tambahpinter.com, 4 September 2020, mufaigi me 05/11/2021.