Banio

Moroi ba Wikipedia
Ae ba navigasi Ae ba wangalui
Bua mbanio si no lasula ba atö foboto ba aefa da'ö tola lakhao faoma fogao

Banio no töi mbua nohi ba Danö Niha. Ulinia tanö baero nifotöi sawu tola labali'ö ezoi, ulinia sabe'e bakha nifotöi sole tola tobali mako nidanö ma ngawalö gama-gama tanö bö'ö ba nomo. Ösinia safusi ba ombuyu tola la'oköli'ö tobali kopra, moroi khönia lafarö wanikha sasese te'oguna'ö ba wangomuhua boto (parfum) ma zui ba wamoadu bawa (kosmetik). Baero da'ö fanikha mbanio tola tobali fangali gö sokhö oya kalori, ba so göi ni'oguna'ö tobali fanikha moto. Lala wanihoi sawu mbanio, la'oguna'ö nifotöi sula ba wangeheta sawu. Ba waneu banio andre, na mobosi atö dölania, ba aoha ba niha waneu banio, ba na lö hadöi bosi, ba saneu banio la'oguna'ö dolo-tolo ba wanöi simane endra'i.[1]

Banio ma ba li Indonesia la tötöia faoma fehede; Kelapa, nyiur mazui kerambil (Cocos nucifera) ya'ia da'ö sifao ba gangolifa zinumbua genus Cocos moroi ba gangolifa nakhe ma suku aren-arenan ba li wamahaö lamane Arecaceae.[2] Eluaha wehede kelapa (mazui coconut, ba li Inggris) tola tefarahugö geluahania moroi ba zinumbua mbanio ma pohon kelapa, hunö, ma bua, na molo'ö botani ya'ia da'ö sinumbua sowua ma pohon berbuah, tenga so hunö. Fanötöi da'a tehalö ba wehede Portugis faoma Spanyol ba abad si-16, hikaya niha nifo'eluaha moroi ba högö ma "kepala" mazui töla högö "tengkorak" moroi ba wamaigi banio si no lasula so hörö tölu, hulö zikhala niha ma högö niha. Sinumbua da'a no la'oguna'ö soguna ba wa'auri niha, töra-töra ya'ira sahatö ba ngai nasi. Banio andre, fanötöi mbuania, na sinumbuania la'ila niha ohi.[3]

Guna mbanio[bulö'ö | bulö’ö kode]

Banio no sitobali sambua gangolifa soguna ba nomo. Banio tola möi fangalui labali'ö fanikha sami, lölönia ma latötöi ia farö, oi manö moguna labe'e ö gurifö simane bawi. Banio andre göi no so zobali'ö Kopra ma banio si no la'oköli'ö sitola möi fangahaogö fanikha. Baero mbuania, so nidanö mbanio fangalösi wa'owökhi dödö, ato zamawa ba naha wemanga bangai lala, ba he göi simanga ba fondrokata.

Banio andrö ba no oya sibai gunania ba wa'auri niha. I'otarai bulunia, labali'ö uli damböyö, likhe nia labali'ö ezoi likhe. Bua nia, simane balalu, ba no sambua amawaö ya'ia da'ö idanö mbanio sawuyu, ma ba li Indonesia lamane air kelapa muda. Aefa da'ö bua mbanio satua, ba tola lafarö tobali fanikha sami. Banio satua, no sa'ae ta'ila wa moguna si'ai ba wangahaogö diwo nikua samake tu'a mbanio. Simanö göi zawu, ba Danö Niha, sawu mbanio ba no ato zamake tobali ezoi. Sole mbanio göi i'otarai meföna ba ofeta iada'a ba so zamake tobali akho soguna ba wanarika fake tarika tanga, ba so göi zobali'ö akho ba wofaga diwo. Banio göi tolania tola tobali aya-aya ba zangila mangehaogö, tola ehomo, ba tola göi möi döla-döla ma toga nomo.[4] Ba Danö Niha, banio göi no tobali soguna ba niha, banio nifarö ba wanga'i fanikha sami, ba lölö nia sotöi farö ba labe'e nönö gö gurifö simane bawi.

Ba Danö Niha, banio andre ba no sitobali fangalui niha mbanua. Ba yamendrua nasa na lahaogö la'angeragö hewisa ba wo fanöi zitola tobali aya-aya ba mbanio andre. I'otarai ba zawunia, solenia, ba bua nia. No ato zino mamaigi banio moroi ba Danö Niha.

Böli mbanio[bulö'ö | bulö’ö kode]

Ba Danö Niha sangahaogö banio ni'oköli'ö fetaro ba hulo Tello me döfi dua ngahönö a feleŵalu (2018). harago no irai irugi fulu ribu rufia (Rp.10.000) ba hiza no irugi aekhu sibai sitou harago irugi hatö fitu ribu rufia (Rp7.000) ba tenga ha da'ö no irai ofeta tölu ribu a matonga (Rp.3.500). Ba fanötöna nono mbanua, wa tola ifuli möi yaŵa mböli Kopra da'a. Ba manötöna dödöra ena'ö tola la'alui hewisa lala ira famareta samatörö ba mbanua da'ö.[5]

Umbu[bulö'ö | bulö’ö kode]

  1. Knalpot Ubah Minyak Kelapa, mufuli mufaigi me 25 September 2022 (Li Indonesia)
  2. Royal Botanic Gardens, Kew. Cocos. World Checklist of Selected Plant Families.
  3. Dalgado, Sebastião. "Glossário luso-asiático". google.com. hlm. 291. Diarsipkan dari versi asli tanggal June 2, 2016. 
  4. Fardaniah, Risbiani (12 September 2019)."Kemendag serukan Nias kembangkan kelapa bertujuan ekspor". AntaraNews.Com, mufaigi zui me 24 Nopember 2020
  5. Redaksi (24 Desember 2018). "Harga Kopra Turun Drastis, Masyarakat Pulau Tello Mengeluh". CorongNias.Com, diakses 3 Nopember 2020