Sekola wanunö

Sängerknaben, sambua sekola wanunö fondrege tehöngö ba gulidanö si so ba Vienna, Austria. Si tola fao ha ya'ira ono matua sawuyu-wuyu ba latou'ö wa'aurira ha ba wanunö sagötö fa'aurira

Sekola wanunö yaiada'ö no sambua gangowuloa niha sasese falukha-lukha ba wamahaö ya'ira sinunö. So zekola wanunö sanunö ba gereja, simane orudua ba gosali (koor gabungan), angowuloa ndra'alawe (komisi perempuan), angowuloa zi bohou ebua , sasese ta'ila ba Danö Niha. Ba so göi ira sanunö ba nahia wa'omuso dödö simane ba teater ma zui ba nahia watomesa segebua. Fabö'ö lala wanunö zekola wanunö moroi ba wanunö si to'ölö me ero ira sanunö ba zekola wanunö oi fabö'ö lala note ni'anunöisira: so zanunö lala note si sara, so zanununö lala note si dua, si tölu ba si öfa. Heŵa'ae no fabö'ö-bö'ö lala note ni'anunöisira, ba hiza no oi tefaudugö ira (li Indonesia, harmoni), irege sökhi sibai terongo ia khöda. Latötöi zekola wanunö ba li bö'ö koor (li Indonesia), nihalö moroi ba li Latin chorus eluahania angowuloa niha si fao ba wo'anunöisi sambua sinunö ma zui si fao ba wanguma'ö hadia ia. Ba zekola wanunö so zondrönia'ö nifotöi guru note (li Indonesia, konduktor eluahania samözi note). Ya'ia andre zi to'ölönia manuyu haniha moroi ba gotalua zi fao zangai lala note li si sara, li si dua, li si tölu ba li si öfa. Ba ya'ia göi zamözi note ba ginötö manunö ira föna niha sato.

La'ohe ba gosali

Sekola wanunö, tenga ha asala la'anunöisi niha sato. Sinunöra andrö ba la'ohe ba gosali na inötö ma ngaluo ni'amoni'ö hari migu. Baero da'ö la'ohe naso gangowuloa ba gosali simane famayagö idanö, fa'atumbu Yesu, ba tanöbö'ö nia. Sekola wanunö no oi so ba gangowuloa sigide-ide simane, sekola wanunö ndraono sekola migu, sekola wanunö ndra ama-ama, ba so göi zangahaogö sekola wanunö moroi ba gangowuloa ndraono matua.

Samalua Sekola Zinunö

Guru note

Guru note, ya'ia da'ö ya'ira sangila mombaso note. Ba tenga ha i'ila ibaso, hiza i'ila göi ifaogö ba zikali wo'anunöisi fefu lala li. Guru note, i famaha fefu niha sifao ba zekola wanunö andrö, he göi lala ba wanunö. fa'alio ba fa'ahou zinunö. ofeta hewisa wa'afendronga na manunö.

Samözi note

Samözi note tola manö göi ya'ia göi zolati ba ya'ia göi zombözi note, so göi da'ö samösa zo lati ba samösa göi zombözi note. Samözi note ma ba li tanöbö'ö laŵa'ö ia dirigen. Ba samözi note andre, i'agö föna niha sanunö, moroi khönia ha wa'alaŵa note zinunö, ba moroi ba wa'amaliŵa dangania simanö göi wa'alio zinunö. Fefu zalua ba wanunö niha zekola wanunö, i'aturai samözi note na inötö manunö ira simane ba gosali ba banaha tanöbö'ö.