Onderlagh

Lala nifaekha bara

Onderlagh ya'ia da'ö no fehede ni'oguna'ö ba wanötöi sambua lala sawena mufa'anö ma si no mufaekha mube'e gara. Ngawua wehede da'a tehalö moroi ba li Belanda eluahania dane-dane. Fatua lö mufa'anö aspal ba lala, moguna lafa'anö dane-danenia ya'ia da'ö kara nifaekha fa'egebuania mato yai högö (uk. 10-15 cm).

Lala ba mbanua

Ba danö niha iada'a, ba no numalö ba wa'arami niha. Itugu oya zitedou, simane lala sebua, no baga. Ba gotalua zibaga, ba somanö nasa ba danö niha zilö ikhamö hörö ma fangahaogö moroi khö zamatörö (Pemerintah), ono mbanua ba akhari-akhari sibai dödöra na tola göi irugi lala sebua nahia si toröi ya'ira. Tenga göi ha lala, so nasa danö bö'ö simane lisitiri. Lala samatu'a banua, lö dozi nasa oi lahaogö. Simane ba mbanua zahatö ba zifasui ba Gunungsitoli, ya mendruamanö ba mbanua sagaröu lumalö ba halama ma bambanua sino tewari moroi ba mbanua sebua si no ato niha, itaria lö fanohugö moroi khö zamatörö. Hewa'ae asese lafatumbu'ö ma lasao'ö (diusulkan) khöndra samatörö simane Salawa, Camat, Bupati/Wali Kota, ba lö fefu tola tehaogö börö sa'atö wamo'amböta dana pembangunan. Andrö dania itaria lala ba nono mbanua, ha onderlagh manö nasa falawu göi bakha ndru'u, tebai itörö kureta dania hondra ma moto si öfa gaolo-gaolo, ba ono mbanua lö aetu-aetu hasara dödöra ba wolau gotoroyo wangahaogö wolowi du'u sino fariŵa bakha ba lala onderlagh.

Zazi Wamareta

Fa'omasi nono mbanua ba worasoi hewisa na itörö moto föna nomora, oroma wamaluara gotoroyo ero inötö. Ba no ara la sao'ö ma la fa'ema ngarö-ngarö dödöra khö zamatörö ba fetahö hezo so mbanuania. Asese lafabu'u (dijanji) ira calon DPR na baginötö kampanye ira, wa no no dania modadao ira ba la fabu'u wa labe'e pembangunan jalan. Simanö göi simane duma-dumania mena'ö ba Kota Gunungsitoli, ba so zazi namada samatörö wa ihaogö heha sakilo wa'anau lala andrö. Da'a nifatunöisi nono mbanua ba dusu sara desa Hiligara, ena'ö amada wali kota tola ifaigi nono mbanuania. Ba no i be'e wanema li amada wali kota wa i faigi ba wa'alio lala ba Hiligara Dusu sara andrö.

Sino Ifalua Famareta

Ba ginötö wamatörö ndra amada fetaro ndöfi, dua ngahönö a fele öfa ofeta dua ngahönö a feleziŵa (2014-2019) ba simanö ba ginötö : dua ngahönö a feleziŵa ofeta dua ngahönö a dua wulu a öfa (2019-2024), no oya zino larasoi niha mbanua ngawalö famalua fangahaogö banua ma desa. Ba na tesöndra nasa zilö sawai mu'ehaogö, da ta fahatö ita khöndra amada samatörö ena'ö lafatete wanofu khö zangai angetula bawanohugö ya'ia.