Kureta

Kureta ma gureta sambua gama-gama sitola möi fanolo niha ba lala wofanö. Ba danö niha, kureta no tobali sambua lala nifake ba we'amöi gofu hezoso, tola tobali lala niha ba he gö lala zoguna simane bulu gowi, eu, gae, ba tanöbö'ö nia. Ba danö niha, kureta lafake iraono sekola we'amöi ba zekola. Kureta andre, ba moguna sibai ia ba wanolo niha ena'ö lö manörö ahe. Kureta tenga samena so badanö niha. Na lafaigi moroi ba mbörötania, kureta andre ba i söndra ba i haogö si'oföna sibai niha Geremani ba mbanua Karlsruhe, Jerman sotöi Baron Karl Drais von Sauerbronn , ma tola lakaoni göi khönia Karl Drais me dua wulu a siwa mbawa si öfa döfi sara ngahönö a fitu ngaotu a ŵalu ngafulu a lima (29 April 1785) meluo da'ö moguna khönia gureta ba wohalöŵö ba zoga atua. Irege meluo da'ö ba no tola so lala nia we'amöi ba wohalöŵö, ba irugi ma'ökhö no larasoi niha ba zisagörö ulidanö hewisa wa'amoguna gureta nihaogönia andrö. Iza, nihaogö nia ba mböröta, ba ifake tölu gaolo-gaolo. ^[1]

Kureta ba Indonesia

Kureta ba danö Indonesia. no tebörötaigö mehino so ndra niha Belanda ba danöda. Meluo da'ö la'ohe gureta moroi ba mbanuara sitobali lala ba wofanö ero ma'ökhö. Ba hiza meluo da'ö kureta andre samake ya'ia tenga simane ma'ökhö tola oi mamake kureta. Meluo da'ö samake kureta ha ya'ira sohalöŵö. Ba hiza meno sa'ae oroma wa'amogunania ba dozi soi mangahaogö kureta. Ba so gureta nihaogö mbanua hagöri (Inggris) me döfi sara ngahönö a siŵa ngaotu a fele öfa (1914). Kureta nia, ya'ia gureta simane si so ba danöniha, kureta nona, ma lawaö ia kureta sebua, so göi zanötöi kureta sebe. ^[2]

Ngawalö Gureta

Kureta ofeta ma'ökhö no tobali lala ba niha, ba tenga ha da'ö, na tafaigi ba zisagörö ulidanö, kureta no göi sambua ngawalö ni fatandri ba gangowuloa wangahaogö boto (olah raga) ba tenga ha ba wa matandri, no möi fa'omasi niha ba wo'alösi fa'arame ba lala sebua. Bada'a so ngawalö gureta sino tehöngö ba ginötö wasuwöta ba Indonesia. Ya'ia da'ö :

Hercules nihaogö niha hagöri ma Inggris. Kureta da'a lahaogö ba Aston Inggris. Fabirinia la fasindro me siŵa mbaŵa siŵa döfi sara ngahönö a fulu (9 September 1910). Sangahaogö ya'ia Edmund faoma Harry Crane, lahaogö ha dua wulu a lima rozi gureta.
Gazelle nihaogö niha Belanda. Same'e töinia Gazelle andre ya'ia da'ö Willem Kolling dan Rudolf Arentzen ba hiza ba ndröfi sara ngahönö a siŵa ngaotu a dua (1902) ira amada si darua da'a la börögö wohaogö ba fabiri. Ba meluo da'ö irugi döfi si sara ngahönö a siŵa ngaotu a dua wulu a lima (1925) no oya sibai wangoguna'ö kureta da'a ni'ohe ba mbanua Indonesia.
Raleigh nihaogö niha hagöri zui ma Inggris. Kureta da'a ofeta ba Indonesia ba ndröfi si sara ngahönö a siŵa ngaotu a tölu ngafulu a siŵa (1939).
Phillips nihaogö niha hagöri ma Inggris. Kureta Phillips da'a no la amawa ba Indonesia me döfi si sara ngahönö a siŵa ngaotu a öfa wulu (1940). Fabiri gureta da'a töinia Phillips Cycles Ltd nifasindro ba mbanua Smethwick, Birmingham, Inggris ba no la duhö fabiri me döfi si sara ngahönö a siŵa ngaotu a ŵalu ngafulu.
Fongers, kureta da'a irugi danö Indonesia me döfi si sara ngahönö a siŵa ngaotu a siŵa (1909).
Humber Cross nihaogö ba mbanua hagöri ma Inggris
Simplex nihaogö bambanua Belanda
Batavus nihaogö bambanua Belanda

Da'a ngawalö gureta sino la sura ba gu'ö. ^[3]

Gama-Gama Gureta

Kureta ma Gureta si so ba danö niha, kureta sebe, kureta sebua, kureta mini, so döi gama-gama ma soguna ba gureta, simane : gaolo-gaolo. Kureta so dombua gaolo-gaolo. Gaolo-gaolo (Li Indonesia : Roda) ma la tötöi ia lika, lika (Li Indonesia : Lingkar / Veleg) andre la be'e khönia bine ma naha bine (Li Indonesia : Ban), so bine baero (Li Indonesia : Ban Luar) ba bine bakha (Li Indonesia : Ban Dalam). Aefa da'ö so falano (Li Indonesia : Pelana), so re ma taha-taha na molombase, so zamake re danga (Li Indonesia :Rem Tangan) ba so göi zamake re gahe (Li Indonesia : Rem Kaki / Torpedo). Tanö bö'ö ziso ba gureta simane, so rate (Li Indonesia : Rantai), so göi tudu (Li Indonesia : Tudung) si so yawa gaolo-gaolo gunania ba wanaha tefe-tefe na moteu. So göi zamake loce (Li Indonesia : Lonceng). So göi naha bara (Li Indonesia : Boncengan),

Umbu

↑ Rofig, Aunur (17 Oktober 2018). "Sejarah Penemuan Sepeda dan Perkembangannya di Indonesia" MalangTimes.Com
↑ Sugiyono,Surya (22 Desember 2013). "Sepeda Onthel Buatan Inggris Tahun 1914 Dipamerkan di Gresik" TribunNews.Com
↑ Kristiono,Nefan (26 Juni 2020). "Ini Daftar 8 Sepeda yang Pernah Terkenal di Masa Penjajahan" MineNews.Id - Mata Indonesia News

[1] Rofig, Aunur (17 Oktober 2018). "Sejarah Penemuan Sepeda dan Perkembangannya di Indonesia" MalangTimes.Com

[2] Sugiyono,Surya (22 Desember 2013). "Sepeda Onthel Buatan Inggris Tahun 1914 Dipamerkan di Gresik" TribunNews.Com

[3] Kristiono,Nefan (26 Juni 2020). "Ini Daftar 8 Sepeda yang Pernah Terkenal di Masa Penjajahan" MineNews.Id - Mata Indonesia News

[1]

[2]

[3]