Ae ba nösi

On the Origin of Species

Moroi ba Wikipedia
On the Origin of Species
by Means of Natural Selection
Uli mbuku
On the Origin of Species niraka döfi 1859
PengarangCharles Darwin
NegaraBritania Raya
BahasaLi Inggris
Subjekteori evolusi
PenerbitJohn Murray
Tanggal terbit
24 November 1859
Jenis mediabuku

On the Origin of Species ma On the Origin of Species by Means of Natural Selection, or the Preservation of Favoured Races in the Struggle for Life no sambua zinura ilmiah ba Li Inggris nisura Charles Darwin sanandrösa ba nifotöi teori evolusi. Si föföna sibai laraka ia me 24 November 1859. Bakha ba mbuku andre iŵa'ö Darwin wa fefu zauri ba gulidanö andre no tumbu moroi ba zaliŵa-liŵa bö'ö nifotöi furugö gaurifö fefu (li Inggris common ancestors). Tumbu khö Darwin wangera-ngera andre aefa ifalua wangosisi ilmiah me fao ia ba ekspedisi Beagle me döfi 1830-a awö ekspedisi nifalua aefa da'ö.

Foraka

[bulö'ö | bulö’ö kode]

Si föföna sibai laraka On the Origin of Species me luo Kamis 24 November 1859. Te'amawa mato 1250 ngawua. Börö me itugu oya niha somasi mowöli ya'ia, latohugö woraka ya'ia irugi önö kali. Ero alua woraka si bohou, ihaogö ma inönö nösi mbukunia andre Darwin, andrö wa lö fagölö sibai nösi fefu mbuku si önö edisi andrö. Edisi safuria (edisi si'önö) larake me 1876.[1]

Ösi

[bulö'ö | bulö’ö kode]

Ba mbuku edisi si föföna, li famasao tehalö moroi ba wangera-ngera William Whewell faoma Francis Bacon sanandrösa ba huku danö molo'ö fa'alowalangi.[2]

Awena itohugö ba li famasao andre Darwin wa ibörötaigö wangosili evolusi me fao ia ba ekspedisi HMS Beagle. Imane Darwin: "Me ya'o samösa naturalist so yaŵa ba göfa HMS Beagle, tokea ndra'o me u'ila hewisa fakta distribusi niha si toröi ba Amerika Selatan ba amakhaita geologi niha si so iada'a ba niha si so me föna ba mbanua sebua andre. Fakta andre mamokai hörögu ba zanandrösa böröta ngawalö zauri nifotöi spesies, sambua misteri fondrege ebua, simane niŵa'ö ndra filosofo fondrege atua-tua." [3]

Fanema'ö

[bulö'ö | bulö’ö kode]
Gambara kartun sangoroma'ö Darwin soboto ba'e börö teori evolusi nibörötaigönia.[4]

Buku On the Origin of Species no fatema ba dödö ato niha ba zi sagörö ulidanö ba no tobali ia börö huhuo segebua ba gotalua zato. Ba mböröta ato niha si lö fatema tödö, börö me lö na sa aboto sibai ba dödöra teori andre si bohou moroi khö Darwin.[5] Ba hiza buku andre no mamokai lala ba wamahuhuosi ilmiah teori evolusi si bohou andre, irege tebörögö lafotöi ia göi Darwinisme. Ba dalu ndröfia 1870-a no sa'ae muzawili teori evolusi andre.[6]

Umbu

  1. ↑ On the Origin of Species. darwin-online.org.uk.
  2. ↑ Darwin 1859, n. ii. darwin-online.org.uk.
  3. ↑ Darwin, Charles, 1809-1882. (2006). On the origin of species by means of natural selection, or, The preservation of favoured races in the struggle for life. Dover Publications. ISBN 9780486450063. OCLC 62857845. nga'örö ix.
  4. ↑ Browne, E. Janet (2002). Charles Darwin: The Power of Place. London: Jonathan Cape. ISBN 0-7126-6837-3. nga'örö 376-379 ((Li Inggris))
  5. ↑ Darwin in letters, 1860: Answering critics. University of Cambridge.
  6. ↑ Bowler, Peter J. (1989). Evolution: The History of an Idea. University of California Press. ISBN 978-0-520-06386-0. n. 179, 199. ((Li Inggris))
Tehalö moroi ba "https://nia.wikipedia.org/w/index.php?title=On_the_Origin_of_Species&oldid=23644"