Omo Niha
Omo Niha (itaria göi latötöi ia Omo Hada ba gotalua niha sambö mangila li Niha) no töi nomo ni'otomosi molo'ö lala wangotomosi (li Indonesia arsitektur) omo ba Danö Niha me föna. Ba Nomo Niha so khönia gehomo awö zilalö-yaŵa, same'e irege aro ia na alua ziheu (ndruru-danö). Ba wamazökhi Omo Niha moguna oya sibai geu sabe'e segesolo. Iada'a oi laröi sa'ae niha wangotomosi omo molo'ö arsitektur Nono Niha andre, börö me lö sa'ae tesöndra oya geu simane ba Danö Niha. Na omasi ira lafasindro khöra nomo ma'ökhö, ba la'o'ö manö lala wangotomosi si lö oya mangoguna'ö eu sesolo simane famasindro Omo Ndrawa.
Ba danö raya,[1] so göi nifotöi Omo Sebua, ya'ia da'ö Omo Niha fondrege ebua ba mbanua, sito'ölönia omo khö zi'ulu (salaŵa hada) ia. Sambua ba gotalua Nomo Sebua andre ya'ia Omo Sebua ba Mbawömataluo, si tehöngö sibai irege tobali ia ogamöta niha sikoli moroi ba nahia bö'ö he moroi ba Indonesia ba he moroi ba negara bö'ö.
So ma'ifu gamaehuta Nomo Niha ba danö raya ba ba danö yöu[2] ba Danö Niha. Omo Niha ba danö raya no ni'o'öfa sagi, bahiza ba danö yöu no ni'owulo-wulo ia (faigi gambara).
Amaehuta bö'ö Nomo Niha ba danö raya ba ba danö yöu, ya'ia wa tefasindro Nomo Niha ba danö yöu ero sambua ia. Na ba danö raya, to'ölö wa ba wamazökhi omo, no oi lafakhai sambua omo ba nomo tanö bö'ö, irege ha bagolö gotalua sambua omo ba nomo bö'ö andrö.
Arsitektur Nomo Niha[bulö'ö | bulö’ö kode]
Edöna musura
Umbu[bulö'ö | bulö’ö kode]
- ↑ Lafotöi tanö raya fefu mbanua si so ba Kecamatan Telukdalam ba sifasui ya'ia simane Kecamatan Fanayama, Kecamatan Luahagundre Maniamölö, Kecamatan Maniamölö, Kecamatan Mazinö, Kecamatan Onolalu ba Kecamatan Toma
- ↑ Lafotöi tanö yöu fefu mbanua si lö so ba danö raya. Tanö raya ha so ba zi fasui Kecamatan Telukdalam (faigi yaŵa hadia danö raya)
Wikipedia no halöŵö nifalului zato.
Tolo Wikipedia ba wanohugö wanura ya'ia, na so khöu onönöta nösi. Saohagölö.