Molaubale

Molaubale, tenga molau balö he, hiza ba Danö Niha fehede da'e no asese terongo ba dalinga niha. Molaubale ma folaubale tefalua ia na no tölu hari no mofanö (lakaohasi wanötöi sino mate, laŵa'ö no mofanö), owulo nösi nomo ba fefu zifatalifusö, ba wangandrö khö Zo'aya wa fefu halöŵö ba wofanö nösi nomo andrö khöra no itolo Lowalangi, tefalua sifao fa'omuso dödö. Lala hada ni törö, ma bositö hada tefalua sifao ba zino la osara'ö ba wefaora ba wabanuasa. Sitenga bö'ö oi tohare ba wamalua folaubale, ero bongi owulo-owulo nasa niha i'otarai me la'ohe ba kabu Lowalangi (lewatö), ba wame'e fondrara dödö ba nösi nomo si toröi moroi furi. Gofu haniha zino mofanö andrö, he iraono ma zui satua baomo, goi-goi da'a tefalua ia. Ba wolaubale, lahalö ginötö ya'ira satua, la börötaigö laföfögö, hadia manö wakake sasese i'oguna'ö sofanö andre me auri ia, ba möi lafasao khönia ba lewatö. Böi tokea gofu haniha na te'ila wakake yaŵa ba dete lewatö simane so dufo, mako nidanö, ba tanöbö'önia. Ba wamasao ya'ia lalau mangandrö ena'ö sa'ae lö möi ia yomo börö meno so ba daromali wanguma'ö wa : tebai sa'ae fahalö ira zauri zino mate. Lala halöŵö da'a no tefatunö i'onarai meföna ofeta ma'ökhö, ba silö tola lö'ö ha ba nifalua ia.

Ondröita Digital Nono Niha
Sura andre tefaböbö ba halöŵö Ondröita Digital Nono Niha sangowuloi fefu hadia ia zanandrösa ba
li (bahasa), hada (budaya), waö-waö (sejarah), fangi'ila (pengetahuan, kebijaksanaan) Nono Niha.
Na so ni'ilau moroi ba mbuku nibasou ma fanutunö zatua soguna sibai,
böi alaŵö wonönö ya'ia ba da'a (na faudu ia ba da'a) ma zui ba zura tanö bö'ö ba Wikipedia Li Niha.