Malu

Moroi ba Wikipedia
Ae ba navigasi Ae ba wangalui


Eluaha malu ba Li Niha ya'ia da'ö mangalui utu ndru'u, malu ba gatua tola sebolo ba tola göi ahatö sibai. So gutu ndru'u tenga ba gatua sebolo, simane laosi, nago. Sökha, böhö, ba gatua sebolo irege erege dödö niha wealu bada'ö.

Fakake Wealu[bulö'ö | bulö’ö kode]

Niha si malu, si'oföna sibai, niha sibarani manörö atua, du'u ba sangila lögu danö. Ba we'amöi malu, labörö sibai, owulo hawa'ato zimöi mealu, ba mangandrö zatua khöra, ena'ö la söndra gahulua utu ndru'u simane : laosi, nago, sökha, bogo, böhö, ba tanö bö'ö. Hiza bawe'amöi malu, oya sibai gamonita, tebai manötöi sabe'e ma tebai falele. Amonita da'a la be'e ba dödöra ya'ira simöi malu. Aefa mangandrö, ba dozi zimöi malu, la'ohe doho zamösana, belewa si so saembu ba löwi-löwi, ba asu mato hauga rozi sitobali awö solohi utu ndru'u. Nano aefa mangandrö, bafakake no oi so ba danga, ba la tatugöi hezo labörötaigi wofanö, ba faoma lafatunö dania hezo wetaro orudu zui ira.

Malu ba mbanua-banua[bulö'ö | bulö’ö kode]

Ase[bulö'ö | bulö’ö kode]

Meföna me abölö nasa gatua, ambö ato nasa niha ba danö niha, utu ndru'u oya sibai, ba lö marase niha we'amöi malu, ha mato sabata, ba no tola lasöndra gahuluara. Ia da'a ba no oi teboka mbolo mbenua, irege löhadöi sa'ae utu ndru'u. Niha moroi ba danö niha, sino to'ölö malu ma mangalui sökha ba gatua, lakaokö we'amöi ba zitambai nasi fetaro ba danö Ase, ba wangalui sökha me tenga ha ba wangalui diwo simane nifalua ndra satuada meföna, iada'a fealu no hulö sambua lala halöŵö ia, me ahuluara so niha sowöli niharagoi saklilo hauga ribu rufia. Aboto ba dödö niha fefu wa ono niha no niha sonekhe sibai ba wealu, me no sambua ni tohugö simane nifalua ndra satua meföna ba danö niha. [1]

Gohe-Gohe[bulö'ö | bulö’ö kode]

  1. Hendri, Seni (1 September 2019)."Kisah Pemburu Babi Asal Nias di Aceh Timur, Dijual Ya, Makan tidak, Ini Alasannya." SerambiNews.Com, mufaigi 20 Nopember 2020