Huhuo:Tuo Nifarö
Da'a tou nösi nga'örö andre, si lö nasa awai, sedöna mufaogö ba zura Tuo.
Tuo Nifarö[bulö’ö kode]
Fehede tuo ba li niha tehalö moroi ba 'tuak' ba li Indonesia. Nifarö eluahania ni rino ba galitö irege mo'otu-otu ba saunia lafowöi ba mboto-boto. Ba li Indonesia asese laŵa'ö disuling. No tehengö ma'asagörö tanö niha duo nifarö andre ba no labali'ö duo nifarö andre soguna ba hada göi. Ero molowö ma ba wolohe sumange ba khö dalifusö ba lö tola lö'ö lafaogö sambua boto-boto duo nifarö. Tuo nifarö andre tehaogö moroi ba duo mbanua nikhai ba hogu nohi ma zui moroi ba nakhe.
Börö me alawa alkhohol si so ba duo nifarö ba soya mamadu ba mokhölö khöra danö irege ofeta mabu. Ba itaria da'a mbörö wakarasa ma fa'udusa ba danö niha me niha simabu börö duo nifarö andre lö la'ila lazago wehedera ba fa'itaria lalau manö zi lö fagöna. Andrö dania ira polisi ba lara'u zamawa tuo nifarö.
No oya zöndra moroi ba zato ena'ö labe'e manö wanehegö ba wamawa duo nifarö andre irege tobali ia bua danga ba wo tuwu pariwisata. Me no oya göi mbanua baero ba Danö Niha no la otomosi pabrik sangehaogö tuo andre ba lafamawa ia ba lafo-lafo si no so zura wanehe. Ha da'a i, moguna la angeragö ba wangehaogö goi-goi irege böi möi göi wonönö niha ni be'e bakha ba gurunga me oi mabu niha.
Dekhe Alkohol[bulö’ö kode]
Högö dua nifarö, ma wöi-wöi si'öföna me larino duo, ba alaŵa alkoholnia
Mogai Akhe[bulö’ö kode]
Fogai akhe ma ohi ba no tobali sambua halöŵö ba nono niha i'otarai mböröta. Ero sihulö wongi ba tanö owi möi zogai akhe ibusa gamaudu mbalö duho mbua nakhe/ohi faoma rosö satarö. Moroi ba nibusa da'ö manete duo. So mbu'u ni böbö balö ba ikhaigö ba mbörö mbua nakhe/nohi ditaba. Ero aefa lataba, ba ihalö duo si no mowöi, ifohani ba naha ni'ohenia, sirege side-ide, mazui ifalali manö faoma bu'u tanö bö'ö ni ohenia. Gamaudu mbawa mbu'u ba labe'e mbulu go'o si no lasisika soguna ba wosafi ena'ö böi möi zasao awö möi waöhö sedöna mamadu tuo.