Faba'a

Faba'a, sambua mai-mai si no ara so ba Danö Niha, si no arakhagö taya, me ambö zamalua mai-mai da'a, meno tedou wangi'ila ngawalö hada'ia. Moroi ba wanötöi mai-mai da'a ya'ia da'ö so dombua ngawua wehede. Fa eluahania ba li Indonesia bermain, ba eluahania ba li Indonesia hadang, hambat ma zui hempang. Irege moroi ba wo fo'eluaha ngawua wehede andrö no tola laŵa'ö ia fataha-taha, na ba mbanua tanöbö'ö misa töinia Galah Asin, Gobak Sodor ma zui Margalah.

Si famai

Faba'a andrö, tenga famaisa si ha samösa-samösa, hiza ya'ira dombua nahia, sisambua datölu niha, ba sisambua datölu niha. Da'a tola ira alawe ma ira matua.

Fakake ni'oguna'ö

Ba wamaisa da'a ba lafake danölafa fa'ebolo lima mete wa lima meta labe'e dandra, lakhoi si tebai italui sanaro ma penjaga ba sanu'a'ö ma penerobos, lakhoi tölu wenaeta, föna, ba gotalua, ba furi.

lala wamalua

Faba'a andre ba so tölu angolifa, andrö wa fatua lö labörö wamalua mai-mai da'a ba si'oföna sibai lalau fa si, ba wangalui haniha bagotaluara zi tobali sanaro ba sanu'a'ö, ba da'ö tefaudugö he zo wetarora. Na sanu'a'ö atö ia, ba i'iagö baero nikhoira, ba na sanaro ba la'agö ba zitölu wenaeta nikhaora nomege. Na no so ira ba wetaro sambua zamösana ira, ba sanu'ö möi ia ena'ö ya'ira zosindro ba nahia wanaro, ba na tola atö la tu'a'ö ba da'ö nitatugöi si möna, hiza tebai lababaya, ma tebai göna ia ba niha.

Fotatugöi si möna

Faba'a andre, na ba ginötö wamaisa lö manö si fababaya ia ba niha sanaro ba mazui sanu'a'ö, ba labe'e khönia ni söndra fa'oya önö ( nilai enam ), ba fefu da'a hewisa zi no la'osara'ö ya'ira si famai.

Guna Faba'a

Faba'a, sambua wamaisa zame'e fa'asökhi ba zi famai, simane; ya'ira fefu, hasara dödö ba wamalua fetahö hadia wetaronia, da'a möi fa'asökhi ba niha sito'ölö fakhögusa, baero da'ö me fagohi ba fataha, no möi ba wangahaogö boto.