Zigusigu
Zigusigu ya'ia da'ö no sambua ngawalö zauri sihombo-hombo zasese manugelai bowo mbunga, töinia ba Li Indonesia lebah klanceng ba töi Ilmiah Apis Trigona. Omböila ma sikhala zigusigu ide-ide ma'ifu moroi ba ngalöngalö, zikhalania aitö ba lö fatuo simane ŵani, geto ba tanöbö'önia. Zigusigu mangazuni ira, ba la'alui göra ŵe (Li Indonesia madu) misa ba mbowo mbunga.
Azuni Zigusigu[bulö'ö | bulö’ö kode]
Zigusigu mangazuni ira ba dögi mbu'u geu sauri ma zui ba dögi geu sino mangadolu ba so göi zigusigu zangazuni ba gotalua ma ba tögi gara. Ba mbawa gazunira no lahaogö mbawandruhö zihulö holo-holo sawe'e-we'e moroi ba mbörö ba itugu anifi tanö ba mbalönia.
Fa'auri Zigusigu[bulö'ö | bulö’ö kode]
Zigusigu la'owuloi göra ŵe ni sisiöra moroi ba mbowo mbunga nisöndrara ba zi fasui gazunira, sitobali balazo zigelora ba yamendrua manö balazo nonora sawena mamoto siso bakha ba gazunira. So göi zigelo (Li Indonesia induk atau ratu) zigusigu sageu ero sambua gazuni, omböilania ebua moroi ba ngawawa zigusigu soya, halöŵönia ha fangadulo manö lö möi ia baero wangalui gö, sangalui gö simöi baero ha ngawawa zigusigu soya. Zigusigu lö fatuo simane ŵani, geto, faöhö, ŵaiŵaibo'u ba tanöbö'önia.
Ŵe Zigusigu[bulö'ö | bulö’ö kode]
Ŵe Zigusigu fabö'ö ira ŵe ŵani, zikhalania abölö araidö-raidö ia moroi ba ŵe ŵani. Raso ŵe zigusigu na mufelai aröu fabö'ö moroi ba ŵe ŵani, osiliö ba anaizö-naizö ma'ifu sifaruka raso wa'awedo-wedo. Nahia ŵe Zigusigu zikhalania mo'uli döwu saitö, lö te'oli simane nahia ŵe ŵani. Ŵe zigusigu lö oya tesöndra ero sambua azuni tenga simane fa'oya ŵe ŵani ma ŵe waöhö. Ŵe zigusigu moguna sibai tola same fa'abölö, famanöi ba fa'owaöri mboto niha. Tesöndra ba ŵe zigusigu nifotöi vitamin, enzim, asam amino ba mineral, sifaruka faoma idanö ba gulo.[1]
Amaedola Zihusigu[bulö'ö | bulö’ö kode]
Zigusigu latötöi ia ba gamaedola Nono Niha ya'ia da'e:
- Na lafotu mbene'ö lamane "Böi halö khöu gamuata zigelo zigusigu onogu", eluahania böi areu ndra'ugö hasombaloi manö ni'ohe ndrongau yomo nogu, lau göi mohalöŵö sitola öfalua ba ngambatömi sibohou, faböi lawaö khöu ha sombaloi nisao'ö fönau göu.
- "Ayau lölö zigusigu, tola ö'owulo-wuloi'ö ba tola göi ö'abolo-bolo'ö" eluahania na notobali okhötau (Li Indonesia bila sudah jadi milikmu) ba molo'ö somasi dödöu sa'e tola öfalua khönia.