Wikipedia:Hadia ö'ila/45
Hadia ö'ila
- wa götö we'aso ba dalu, isöndra gönia ono moroi khö ka'anono, nifakhai khö nono faoma sara tali si lalö ba wusö?
- wa ka'anono andre lafotöi placenta ba li Inggris, nihalö moroi ba li Yunani plakous, eluahania kue sawolo-wolo?
- wa meföna sanaba tali samakhai ga'anono ba fusö nono andre samösa ere?
- wa nahia heza lataba dali andrö ba dalu nono lafotöi fusö?
- wa aefa lataba ia, lasaitagö ga'anono andrö ba ndraha geu ma zui latibo'ö ba nidanö (bahiza iada'a lako'o ia ba danö)?
- wa i'anema'ö lafagaölö gadulo ba mboto nono sawena tumbu, me faduhu dödöra wa i'owuloi fefu golalöŵa zatua awö wökhö guli nono adulo andrö, ba aefa da'ö lasaitagö ia tobali aya nadu?
- wa ba danö raya lafemanga gere ba talifusö nina nono sawena tumbu ba lafotöi wemanga andre mame ö zolohe?
Umbu
[bulö’ö kode]Uwe Hummel, Tuhoni Telaumbanua, Cross and Adu, Boekencentrum, 2007, nga'örö 32-33.