Tandraluo

Moroi ba Wikipedia
Ae ba navigasi Ae ba wangalui
Tandraluo analog sangoguna'ö mesin mekanik (otomatis & manual) si so khönia sanuturu tanggal faoma sanuturu energi (power reserve)
Mesin ni'oguna'ö ba dandraluo quartz si'oföna ba zi sagörö ulidanö, Seiko Astron, 1969 (Deutsches Uhrenmuseum, Inv. Inv. 2010-006)
Tandraluo digital sanuturu inötö, ngaluo, ba tanggal


Tandraluo ya'ia da'ö botoŵa ni'oguna'ö ba wamaigi inötö, so nifake ba danga, so ni be'e ba dowa, so nifedadao, ba iada'a no so ba hape. Tandraluo andre ba li Indonesia ya'ia da'ö; Jam Tangan. Fanötöi bö'ö dandraluo andre ba li Indonesia, no la'ila niha ya'ia da'ö; arloji soguna sanuturu inötö nifake ba mbölökha danga niha, sauri samö'i-möi sanuturu lala ba tefuta molo'ö wofanö luo. Tandraluo andre moguna ba wamaigi inötö si tobale dane-dane ba wangerai hawa'ara moroi ba zi dombua ngawalö zalua. Tandraluo, so khönia tölu zaliŵa-liŵa, so zadogo-dogo ya'ia da'ö sanutu "Jam", sanau ma'ifu, sanuturu "Menit" ba sabölö anau, si lö mamalö mamö'i, sanuturu "Detik". Fa'atefuta jarum dandraluo andre, ero-ero 60 skala, tebörötaigö moroi ba jarum detik numalö ba jarum menit faoma moroi ba jarum menit numalö ba jarum jam.[1]Tandraluo si'oföna sibai tefa'ila'ö ba niha ya'ia da'ö ba abad 16. Ba ginötö da'ö, fefu dandraluo mangoguna'ö zanuturu inötö faoma mesin samaliŵa ma mekanik manual (hand-winding). Tandraluo fondrege sara ma fondrege wa'atua ya'ia sa'ae si no oi la'ila niha ba zi sagörö ulidanö, tandraluo Ratu Inggris Elizabeth I nihaogö Robert Dudley ba ndröfi si 1571. Moroi ba abad 16 ofeta ba mböröta abad 20, tandraluo andre ha ira alawe zamake ya'ia, na ira matua lafake dandraluo nibe'e ba gandre-kandrem laŵa'ö ia ba li Indonesia jam saku.[2]

Fangahaogö dandraluo sangoguna'ö mesin mekanik no ehao ba wa'ara ba ngawalö wa'asökhi, fa'abasaki wangahaogö, ba fondrege zebua böli, irege meluo da'ö so ma'ifu wa akao dödö zamake ya'ia me inemaigö la'ehao dandraluo sangoguna'ö mesin elektrik, nifaehagö si'oföna sibai ba ndröfi si 1957 ba Lancaster, Pennsylvania, Amerika Serikat nihaogö Hamilton Watch Company. Famareso arloji elektrik andrö, sindruhunia no tebörögö i'otarai döfi si 1946.

Fa'atohare dandraluo sangoguna'ö mesin elektrik lö ara fataha, irugi tohare dandraluo Seiko moroi ba Jepang samaehagö dandraluo sangoguna'ö mesin quartz faoma batere si'oföna sibai ba gulidanö, Seiko Astron 35SQ ba ndröfi si 1969.[3] Fa'aso dandraluo quartz da'a, no so wamaduhu'ö moroi ba IEEE (Institute of Electrical and Electronics Engineers) nifaogö bakha ba döi-töi duho waö-waö wa'atedou wamahaö teknik elektro ba zi sagörö ulidanö.[4] Ngawalö dandraluo da'a, no möi famakiko hegemoni industri dandraluo sangoguna'ö mekanik ba Swiss.[5][6][7] Tandraluo quartz no oya ia ba naha-naha zamawa, so göi zanga'i hare moroi ba merk-merk tanöbö'ö, ba moroi bada'ö zimöi böröta wangahaogö tandraluo soya. Tandraluo, ba mbörötania lahaogö ba ngawuo si tola ni'erai, aefa da'ö la'ehao ba wa oya, irege niha oi mowöli tandraluo, me bölinia lö maha sibai.

Tandraluo si lö möi bakha idanö (Arloji kedap air)[bulö'ö | bulö’ö kode]

Tandraluo si lö möi bakha idanö, so khönia wangerai ofeta meter, atmospheres (atm), feet (ft), atau bar. 1 ATM = 10 meters, 1 meter = 3.28 feet. Ba da'a tou so wombotokhinia;

Fenaeta walö möi bakha nidanö ba dandraluo (Tingkat kedap air pada arloji)
Fa'alaŵa walö möi bakha nidanö (Rating kedap air)/Water resistant (WR) Fangoguna'ö (Kecocokan) Onönöta duria (Keterangan)
WR 3 ATM / 30 m Tola la'oguna'ö ero ma'ökhö. Tola lafake ia he moteu. Tebai lafake ba wemondri, fatui, molangi, fagai, molangi yaŵa ba dete nidanö, ba tanöbö'önia si so idanö. Tebai la'oguna'ö ba watuisa (TIDAK cocok untuk menyelam).
WR 5 ATM / 50 m Tola la'oguna'ö na molangi, fagai, ba tanöbö'önia, böi fake na fatui. Tebai la'oguna'ö ba watuisa (TIDAK cocok untuk menyelam).
WR 10 ATM / 100 m Tola lafake na omasi gamaudu selancar, molangi, möi ba nasi, faoma ngawalö olahraga nidanö. Tebai la'oguna'ö ba watuisa (TIDAK cocok untuk menyelam).
WR 20 ATM / 200 m Tola lafake ba we'amöi ba nasi faoma ngawalö olahraga nidanö. Tola lafake ba watuisa
Sifatui ma Penyelam (Diver's) 100 m Minimum standar ISO (ISO 6425) na molau scuba diving, tebai la'oguna'ö ba saturation diving Tandraluo zifatui ma penyelam 100 m dan 150 m.
Sifatui ma Penyelam (Diver's) 200 m mazui 300 m Tola la'oguna'ö na scuba diving, tebai la'oguna'ö ba saturation diving Tipe wenaeta ba dandraluo zifatui kontemporer.
Sifatui ma Penyelam (Diver's) 300 m numalö miyaŵa Tola la'oguna'ö na saturation diving (sangoguna'ö gas helium). Tandra;uo da'a la'ehao sangoguna'ö gas helium, nihaogö khöndra somasi fatui professional, fa'abakha nasinia töra moroi ba zi 300 m.

Umbu[bulö'ö | bulö’ö kode]

  1. Abdullah, Mikrajuddin (2016). Fisika Dasar I (PDF). Bandung: Institut Teknologi Bandung. hlm. 37. 
  2. "THe Evolution of the Wristwatch". Arsip moroi versi asli irugi 2013-12-08. Mufaigi me 2022-09-15. 
  3. Sejarah Penghargaan Seiko.
  4. Daftar Milestones IEEE.
  5. Seiko Breakout Year.
  6. "Smithsonian: The quartz revolution revitalized the U.S. watch industry." Arsip moroi versi asli irugi 2010-06-15. Mufaigi me 2022-09-15. 
  7. Harvard Business Review: Seiko Watch Corporation: Moving Upmarket